Gleðilegt nýtt ár !

bonne année !

ein gutes neues Jahr !

laimígu Jauno gadu !

godt nytt år !

feliz ano novo !

feliz año nuevo !

blwyddyn newydd dda !

happy new year !

Takk fyrir allt það liðna kæru félagar, vítt og breitt um heiminn. Kær kveðja Simmi og Eva

Sjáumst í framtíðinni !!!

Nýbökuð frænka !

Rétt í þessu þá varð Eva lækur að frænku ! Anna, elsta systir hennar var að unga út einu fallegu stúlkubarni, á síðasta degi ársins !

Ég óska Önnu og nafna mínum Simma, innilega til hamingju með litla krílið !


Eva lækur varð alveg himinlifandi við nýjustu fregnir um fólksfjölgun í heiminum, eins og sjá má á þessari mynd.

Akureyri eða Írak

Svo virðist sem að ástandið hér í bæ um þessar mundir sé mjög svipað og á slóðum stríðshrjáðra svæða annars staðar í heiminum.

Mér er búið að bregða þónokkrum sinnum við sprengingar í námunda við gil Drekans.

Ég held að manni myndi nú ekki mikið bregða þó svo að borgarastyrjöld myndi bresta á hér á Íslandi. Það væri bara eins og að búa við stöðug áramót.


Þó svo að nokkrar sprengingar hafi orðið við blokkina í Drekagili upp á síðkastið, þá hefur að vísu engin náð svipuðum krafti eins og þessi á myndinni. Það er bara að vona að svo verði ekki.

Peningaþvottur

Eftir langa leit af veskinu mínu þá hafði ég ákveðið að gefast upp, enda var veskið hvergi inn í íbúð Bóndans og læksins.

Þegar ég var búinn að sætta mig nokkurnveginn við að finna ekki veskið, enda ekki mikið að finna í Star Wars veskinu mínu. Það er meira að segja búið að loka vísa frænda fyrir mér þannig ekki var eftir miklu að slægjast í veskinu bláa.

Skömmu seinna þá tók ég eftir að þvottavélin var búin að þvo skítugar nærbuxurnar mínar og sokka, sem og einar bláar gallabuxur sem fengu að fljóta með.

Og viti menn, um leið og ég opnaði vélina, þá datt Sith og Obi Wan Kenobi peningaveski út úr vélinni, mér til mikillar ánægju.

Þúsund kallinn sem var í veskinu var orðinn tandurhreinn og flottur eftir meðferðina, enda ekki á hverjum degi sem maður stendur í smá peningaþvætti.

Það er ekki á hverjum degi sem peningaþvottur á sér stað á þriðju hæð Drekagils 21.

Úlfur í sauðagæru



Það ætti að vera varúðarmerking á þessum djöflum sem segir að ofneysla öls gæti leitt til mikillar vanlíðanar daginn eftir.

Gleðileg jól !


Sigmar Bóndi og Angelica Jolie óska landsmönnum gleðilegra jóla

S&M heima í stofu

Ég lét Evu vaxa á mér bakið nú fyrir stundu. Eftir aðgerðina þá er ég með einhverskonar tómleika tilfinningu innan í mér. Ég er ekki frá því að ég sakni bakhárana svolítið.

Kannski er þessi tómleikatilfinning bara bólgan sem er að myndast eftir hártog frúarinnar ?

Engu að síður þá hafði Eva gaman af kvölum mínum. Ætli það sé eðlilegt ?


Bakið á Sigmari var kannski ekki alveg eins slæmt eins og á herramanninum á myndinni. Engu að síður þá var vöxunin þónokkuð strembin, enda sterkar rætur á baksverði Sigmars.

Þvebbari !

Það var þvebbari í matinn í gær og hann var mjög góður, enda var hann "sporðrenndur" niður !


Hér getur að líta nokkra gómsæta þvebbara sem eru að þvælast í iðrum Sigmars þessa stundina

Þessi færsla er í boði:

Elli, þú ert alltaf með okkur í anda.

Vonbrigði

Þegar ég kom niður í hjólageymslu í morgun þá varð ég fyrir miklum og óvæntum vonbrigðum.

Ég hafði hugsað mér að bruna niður í skóla á öðru hundraðinu, sem tekur öllu jafna um tvær mínótur, og mæta í tíma á réttum tíma en allt kom fyrir ekki.

Minn kæri Bronco var frekar loftlaus að framan við fyrstu sýn og við nánari athugun þá var hann punkteraður !

Ég þurfti sum sé að ganga með sárt ennið í skólann á meðan aðrir fræknir hjólreiðakappar brunuðu framúr mér, rígmontnir.


Bronco-inn stóðst ekki væntingar hjólreiðakappa þennan morgun.

Lestur

ÚFF !

Það er alltof mikið að lesa í skólanum þessa dagana, maður hefur varla tíma til þess að glápa á sjónvarpið eða kíkja í kaffi til ættingja.

Er þá ekki málið að dröslast í gegnum lesturinn svo maður geti slappað örlítið af ?

Illu er svo sannarlega best af lokið.


Bókastaflinn á myndinni er svipaður þeim sem Sigmar þarf að komast yfir. Staflarnir hafa einnig það sameiginlegt að vera á enskri tungu.

Hættur !

Þá er maður búinn að segja upp á sambýlinu. Nú tekur bara við sultur og volæði námsmannsins, þannig að það er spurning hvort maður fari ekki bara á lán eða geri bara eins og kallinn á myndinni og stend niðurlútur fyrir utan Sambó við Hlíðarbraut.


Margir hafa brugðið á sama ráð og hann Marcos Manuel Ramos frá Culiacan í Mexíkó. Allt stefnir í að Sigmar fari sömu leið og Marcos. Þá er bara að vona að Sigmar sé ekki að brjóta nein höfundarréttarlög með aðgerðum sínum.

Fluttur !

Þá er maður að vera búinn að koma sér sæmilega fyrir í nýju húsakynnunum sínum. Allir sem eiga leið um Drekagil 21, íbúð 301 eru velkomnir í kaffi en verða samt að koma með sjálfir "með´ðí"


Hér gefur að líta ekki svo ólíka blokk og Drekagil 21, nýju húsakynni Sigmars og Evu.

Sumarfríi lokið

Þá er maður víst að fara að drífa sig í skólannn aftur. Við Eva erum komin inn á stúdentagarða, þannig að það verður ekkert "elsku amma" í vetur.


Íslandsklukkan er eitt helsta tákn Háskólans á Akureyri.

Af fjölmiðlum

Afhverju er það ekki í fréttunum að það sé gott veður hér fyrir norðan ?

Hafa sunnlendingar einkarétt á fréttaumfjöllun af veðrinu ?

Maður spyr sig.


Hér sjást norðlendingar á góðum degi í Akureyrarsundlaug. Ekki er vitað hverjum datt í hug að sólarstrandarstemming á Akureyri gæti verið áhugavert myndefni en talið er að viðkomandi hafi verið að taka mynd af runnunum í forgrunni en ekki sólglöðu fólkinu í lauginni.

Sumarfrí

Mikið er gott að vera kominn í sumarfrí svo maður geti farið að vinna.

Gildur Limur !



Síðastliðinn sunnudag gerðist ég gildur limur í veiðifélaginu "Bíttá Helvítið þitt". Innvíglsan fór þannig fram að mér var réttur ísborinn og ég látinn bera hann alla leið upp að Hraunsvatni. Að því loknu var ég orðinn gildur limur.

Lesendur geta lesið æsispennandi frásögn veiðiferðarinnar og skoðað æsispennandi myndir á heimasíðu félagsins, Bíttá helvítið þitt !

Hans Jakob !

Hann er kominn á netið !!!

Gaurinn er í miðjunni !!! Tjékk it át !

Hr. Sveinn Elmar Magnússon

Nýjum bloggara hefur verið bætt í hlekkjasafnið góða sem er ykkur á hægri hönd á síðunni, en það er enginn annar en Sveinn Elmar Magnússon eða Sveinn El Loftnets sem mun vera hans rétta nafn.

Sveinn er ágætis Catan spilari enda óð hann uppi í þriðja og síðasta Catan/bjór/privka/viskí/pylsu partýinu sem hann og Kristján Orri Magnússon bróðir hans stóðu fyrir.


Hér sést Sveinn Elmar á góðri stund í miklu stuði að veiða.

Í tilefni þess að Sveinn El Loftnets er kominn í hlekkjasafnið þá ætla ég mér að leyfa mér að skella fram einum fórlátum brandara.

Sp: Hvernig veiðir þú flugfisk ?

svar í Commenta glugga.

Fermingarveisla og át

Eftir að hafa úðað í mig sætabrauði og smurðu í fermingarveislu hjá frænda mínum, þá verð ég að segja að mér líði ekki allt of vel.

Ekki það að kökurnar hafi verið slæmar heldur var neyslan fullmikil ef svo mætti segja.

Dísætt brauð með þreföldu súkkulaðikremi, tvísykruðum marens og fjórföldum skammti af rjóma varð á vegi mínum, sem ég varð einfaldlega að éta.

Það er náttúrulega skemmst frá því að segja að ég fór auðvitað fleiri en eina ferð og fleiri en tvær að kökuborðinu.

Guði sé lof að ég fari ekki í fleiri veislur því það er ósköp einfalt að ég myndi éta á mig gat og drepast úr offitu fyrir aldur fram. Það mæti líkja mig við hrafna, því þegar þeir komast í æti þá éta þeir þangað til að þeir koma ekki meira niður.

Sú varð raunin hjá mér í dag.


Feitur og sköllóttur. Það er víst framtíð Sigmars ef átveislan heldur áfram.

Hva, er komið sumar ?

17 gráður á selsíus í dag, ekki slæmt.

Verst bara hvað það var hvasst...

Eggjahljóð

Mér til mikillar hryllingar áðan, þá heyrði ég í einum forláta þresti syngja hástöfum upp í einu tréi sem var á vegi mínum. Þá uppgvötaði ég það tímabil eggjahljóðs hjá þessum litlu greyum er gengið í garð.

Þannig að ég mun fastlega búast við þessi litlu kvikindi geri sér ferð í garðinn í Brautarhóli og leyfi mér að njóta þessarar undurfagra söngs sem þeir syngja um hánótt eða alltof snemma morguns.

Nágrannar Brautarhóls mega því ekki kippa sér við ef þeir sjá mjög geðstirðan einstakling á brókinni einni saman, kastandi steinum í átt að öspunum í garðinum með viðeigndi blótsyrðum og formælingum.


Þrestirnir munu væntanleg ekki eiga sjö dagana sæla ef þeir byrsta rödd sína á lóðum Brautarhóls. Mjög svo svefnsár maður mun væntanlega eiga í harðri baráttu um völdin á jarðeigninni á með eggjahljóðum stendur.

Áttu miða ?

Ég er að hugsa um að reyna að skella mér á úrslitaleikinn í ensku bikarkeppninni en mig vantar miða.

Ef þú, lesandi góður, lumar á tveim miðum sem þú hyggst ekki að nota, þá máttu endilega koma þeim í hendurnar á mér.

Gleðilegt sumar !

Sumrinu var fagnað á viðeigandi hátt í gær. Ekki sögunni um það meir.


Sólin skein skært þegar hún kíkti yfir fjöllin í Eyjafirðinum, enda var sólin í góðu stuði því sumarið var gengið í garð.

Páskafrí

Ég get ekki sagt að páskafríið hafi farið eins og það átti að fara, sérstaklega ekki laugardagurinn og sunnudagurinn.

Eftir miklar vangaveltur var ákveðið á laugardeginum að taka þá pólitísku ákvörðun að fara ekki að læra, heldur vakna seint og flatmaga fyrir framan sjónvarpið. Að vísu neyddist ég að fara í buxur fyrir rest því ég mæli mér mót við fjóra útlendinga niðrí bæ. Þar var sötrað kaffi og svo farið og horft á samhliða svig í gilinu.

Sunnudagurinn var ekkert skárri. Þó var gerð heiðarleg tilraun til náms en hún fór auðvitað forgörðum.

Ég er búinn að komast að því að það er ekki hægt að klára verkefni í skólanum tímanlega, ég verð að bíða með þangað til á seinasta sjéns.

Hver kjaftaði frá ?

Ég skil ekkert í einu. Ég er alltaf að fá póst frá hinum og þessum í tölvupóstinn minn með skilaboðum eins og "uneed love" "longer harder erection" "penis enlargment" og svo framvegis.

Hvernig í fjáranum vita þau þetta ?

Nú þarf maður að fara að ræða við strákana í sturtuklefanum og tjékka á hver það er sem er að blaðra þessu út um allar trissur!

Páskafrí

Það má með sanni segja að páskafríið hjá manni sér byrjað, ekkert nema afslöppunin ein.

Í gær fór ég út að borða með tveim stelpum frá Grenivík en þær voru nokkuð hressar. Götugrillið varð fyrir valinu þannig að kvöldið var með indversku ívafi.

Svo var haldið heim á leið og skellt sér í vídeógláp en enginn annar en Harry Potter varð fyrir valinu. Stelpurnar voru bara nokkuð ánægðar með myndina að ég held.

Já, það þarf lítið til að skemmta ömmu og mömmu.

Lífið leikur við mig !

Jæja, nú er verðbréfabraskið hjá mér í gegnum tíðina farið að borga sig upp, því ég var að fá greiddan út arð!

Úr heimabanka:
Dagsetning Vaxtad. Tilvísun Skýring Texti Upphæð Staða
07.04.2006 Frá VS: Arður 6012730129 FL GROUP hf 9.828,00 kr.

Nú er maður að gera það gott, arðurinn hefur tæplega tvöfaldast frá síðasta ári.

Spurning um að fara að skoða heimabíókerfi og jeppa ?


Þessi færsla var í boði FL GROUP

Annríki

Ég er ekki frá því að það sé mikið að gera hjá manni þessa síðustu og verstu daga. Prófin eru víst á næsta leyti en bækurnar eru alllar rykfallnar heima í kjallara.

Spurning um að fara í bíó ?

Próf


Hér má sjá dreifingu sjónvarpsgláps krakka í 5 & 6 bekk árið 1997. Minnsta gildi er 0 og hæsta er 64.

Þetta er gögnin sem maður er að vinna með í aðferðarfræði en prófið í dag var einmitt um dreifingreiningu.

Geggjað stuð.

Ég er ekki að nenna þessu...

Það er alveg merkilegt hvað ég er latur núna. Ég er núna í þeim gírnum að nenna bara að sitja heima og lesa en ekki að gera neitt annað.

Það er pínu vandamál því ég þarf að skila inn skýrslu á morgunn og svo að byrja á ritgerð bráðum.

Best væri bara ef ég gæti bara setið og lesið og tengt mig við tölvu og skilað inn upplýsingunum sem koma inn um leið og ég les.

Það er leiðinlegt að þurfa að skila inn einhverju um það sem maður hefur lesið um.

Prófatími...

Það er alveg merkilegt hvað ég er rólegur yfir prófunun núna, allt að fara að gerast og mér finnst að ég hafi allan tímann í heiminum.

Spurning hvort maður bregði sér ekki í bíó í kvöld ?

Það verður annaðhvort bíó eða skýrslugerð í aðferðarfræði. Báðir kostirnir hljóma vel en ég held að skýrslugerðin verði fyrir valinu.

Tíminn líður

Það er merkilegt hvað tíminn líður hratt á næturvöktum þegar maður er að gera bókstaflega ekki neitt.

Lærdómurinn hefur samt eitthvað látið á sér standa yfir helgina þrátt fyrir að nægur tími hefur verið fyrir stafni.

Ég læri samt heilann helling. Til dæmis þá tók ég eftir því að það byrjar að birta hérna á Akureyri upp úr fimm ! Merkilegt nokk.

Á internetinu er þetta helst

Var að finna frétt um mig á internetinu fyrir algjöra tilviljun. Mér leiddist pínu á næturvakt og hafði nákvæmlega ekkert að gera, þannig að ég sló inn nafnið mitt á google.com til að forvitnast um afdrep mín á internetinu. Mér til mikillar skemmtunar þá fann ég þessa frétt á heimasíðu Menntaskólans á Akureyri. Ekki skemmdi það fyrir að yfirvaraskeggið fékk að njóta sín á internetinu, því mynd var látin fylgja með fréttinni.


Hér sést Sigmar ásamt Önnu Lúðvíksdóttur á góðri stund í kvosinni í Menntaskólanum á Akureyri.

Nýr hlekkur

Eftir að hafa verið kosinn bloggari mars mánaðar, fyndnastur og svo ljúfastur á menningarvef Stellu Kristjánsdóttur Beekman, þá hef ég ákveðið að launa frúnni með einu stykki hlekk yfir á síðuna hennar. Hún á það vel skilið, enda sú eina sem heldur úti vef af systrunum fjórum en Stella er sú yngsta í röðinni og jafnframt sú tæknivæddasta.

Njótið vel.


Stella hefur getið gott orð á sér á internetinu í gegnum árin, því er kominn tími á að hún njóti hylli almennings. Myndin er tekin af gaganskrá Lögreglunnar í Reykjavík.

Fyndið

Með allt á heilanum

Það er alveg merkilegt með mig hversu auðvelt ég á með að fá lög á heilann. Ekki nóg með það þá fara lögin ekki úr kollinum á mér fyrr en eftir einn til tvo daga.

Þetta getur verið einstaklega hvimleitt þar sem þetta er farið að ræna mig svefni á kvöldin þegar ég er að fara að sofa.

Ég held að ég þurfi að finna einhver ráð til þess að slökkva á sem mestri heilavirkni áður en ég fer að sofa.

Einhverjar hugmyndir ?

Smá pæling

Ætli hommar geti verið karlrembur ?


Elskendurnir Gunnar Þór Heimisson og Brjánn Atlason hafa velt vöngum sínum um þetta málefni í þónokkra tíð.

Ýsa skvísa


Heimkynni ýsu eru í Norður-Atlantshafi. Í Norðaustur-Atlantshafi er hún í Norður-Íshafi og Barentshafi og allt suður í Biskajaflóa. Við Grænland er hún sjaldséð en í Norðvestur-Atlantshafi er hún frá Nýfundnalandi til Hatterashöfða í Bandaríkjunum.

Við Ísland er ýsan allt í kringum landið. Mun meira er um hana við sunnan- og vestanvert landið en í kalda sjónum norðanlands og austan. Oft er og mikið um ýsu við Ingólfshöfða, Dyrhólaey og Vestmannaeyjar auk Faxaflóa, í Breiðafirði og við Ísafjarðardjúp. Ýsan er grunnsævis- og botnfiskur sem lifir á 10-200 metra dýpi og stundum dýpra á leir- og sandbotni.

Fæða ýsunnar er margbreytileg. Ýsuseiðin éta einkum ýmis smákrabbadýr eins og ljósátu, rauðátu. Fullorðin ýsa étur ýmis konar fiskmeti, mest loðnu. Hún étur og botndýr eins og krabba og lindýr. Smáfiska eins og sandsíli, smásíld og spærling étur hún einnig, sem og rækju, fiskseiði, síldarhrogn og fleira. Mörg rándýr leggjast á ýsuna. Þar má nefna háf, þorsk, löngu, lúðu og fleiri stóra fiska. Selir og smáhveli láta hana ekki heldur í friði.

Fyrstu æviár sín vex ýsan tiltölulega hratt. Hún getur verið orðin um 20 cm þegar hún er eins árs og á öðru aldursári rúmlega 30 cm. Lengd ýsu eftir aldri er nokkuð mismunandi eftir því hvort hún elur aldur sinn í hlýja sjónum sunnanlands eða þeim kalda norðanlands. Einnig verða ýsur í hlýja sjónum fyrr kynþroska en þær í kalda sjónum. Yfirleitt verður hún kynþroska 3-4 ára gömul. Ýsan getur orðið a.m.k. 15 ára gömul en það er hæsti aldur sem greindur hefur verið á ýsu af Íslandsmiðum.

Bara fyrir þá sem vildu fá að vita þetta.

Stefnan er sett !



Nú veit ég hvað ég geri á næsta ári !

Er þetta ekki málið ?

Ástarþakkir


Mig langar að þakka símanum kærlega fyrir heilsufarinu sem er ríkjandi í dag en þeir voru svo almennilegir í sér að bjóða mér og nokkrum öðrum krökkum í heimsókn til sín í gær.

Þegar leið á kvöldið þá var maður boðaður á Vélsmiðjuna til þess að fylgja tveim yngismeyjum frá Grenivík um dansgólf staðarins og tel ég að það hafi nú gengið bærilega.

Annars hrjáir almennt andleysi mig núna, enda verður maður hálmaltur eftir neyslu áfengra drykkja sem hafa yfirleitt ekki góð áhrif á heilsufar fólks ef neytt er um helgi.

Svona er nú það.

Hlýindi

Í dag var rosalega gott veður og það var gaman. Ég fór ég úlpulaus í skólann og Það var rosa gaman. Í skólanum hitti ég marga krakka og það var líka gaman. Sólin skein inn í skólann og það var gaman en í skólanum var heitt en það var ekki gaman.

Afleiðingar þess að sólin skein inn í skólann voru ekkert rosalega skemmtilegar, þó svo að það hafi litið alveg einstaklega vel út.

Að sitja fyrir framan tölvuskjá og dunda sér á netinu er hálf fúlt þegar maður er allur þvalur út af hita í húsnæði skólans.

Ég hlakka ekki til þegar nær dregur sumri og það tekur að hlýna almennilega. Spurningin er samt sú hvort maður fari þá ekki að mæta léttklæddur í skólann? Ég held að hlýrabolur og stuttbuxur verði "in" í vor hjá háskólanemum á Akureyri.

Smá pæling...

Hvort ætli perrar, beri saman bækur sínar eða brækur sínar ?


Bara svona til hugleiðingar...

Helvítis próf !

Djöfull er pirrandi að vera með alla hluti á hreinu fyrir próf en "fokka" öllu upp þegar að prófinu kemur.

Grundvallaratriði og tímaþrot er eitthvað sem ég er að klikka á.

Nú er bara að bíða eftir því næsta !

Hvar er glófinn minn ?

Af einhverjum óskiljanlegum ástæðum þá virðist ég alltaf týna vinstri hanskanum af flestum pörum sem ég hef átt í vetur.

Samtals hafa fern hanskapör fyrnast í vetur og þar af eru þrjú sem eru vinstrihanskalaus. Aðeins eitt par hefur horfið alveg sporlaust og gerðist það á fyrsta degi í Noregsfor minni um áramótin.

Ég hef nú brugið á það ráð að sameina hægrihandarhanska í eitt par. Ég sný bara örðum hanskanum upp og treð honum á vinstri hendina. Það virkar ágætlega.


Hefur einhver séð vinstrihandarhanska á vergangi upp á síðkastið ?

Ef einhver spyr um ástæðu misræmis á hönskum hjá mér þá ber ég fyrir mig tísku.

Skipulags Sigmar

Það er sko hægt að segja með sanni að ég get skipulagt mig upp á mínótuna !

Þannig er með mál í vexti að ég átti að skila inn ritgerð í Fjölmiðlafræði um rannsóknarblaðamennsku í tímanum í morgun, sem og ég gerði.

En það þykir kannski ekki frásögum færandi nema það að ég vissi af þessari ritgerð frá því í janúar og var svo sem alltaf á leiðinna að klára ritgerðina á skikkanlegum tíma, sem og ég gerði.

Ritgerðin var búin hvíla yfir mér eins og mara síðastliðnu tvær vikur en ég hafði samt aldrei tíma til þess að leggjast í smíðarnar sökum einhverra óskiljanlegra anna.

En ég byrjaði sumsé að vinna í ritgerðinni í gær, einum degi fyrir skiladag. Ég las og las í allan gærdag, alveg fram að kvöldmat og ég var, satt að segja, orðinn ansi lúinn eftir það.

Eftir kvöldmatinn þá var sumsé ákveðið að taka smá "lærdómspásu" og ákveðið að tylla sér fyrir framan imbann og slappa örlítið af. Það vildi nú samt ekki betur til en að hvert gæðaefnið rak upp, hvert eftir öðru og alltaf var erfiðara og erfiðara að hafa sig upp úr mjúkum og þægilegum leðursófanum.

Það var ekki fyrr en að einni hrísmjólk, ópal pakka og nokkrum klukkustundum liðnum að ég drattaðist á lappir og bretti hressilega upp á ermarnar og leit á klukkuna, vongóður um tímann.

Klukkan var nú ekki nema rétt um ellefu.

Það var því unnið hörðum og hröðum höndum það sem eftir lifði kvölds, nætur og morguns.

Um átta leytið í morgun sat ég uppi með sveittan skallann og eitt stykki tíu blaðsíðna, fullunna og spegilslétta, ritgerð.

Þá var bara eftir að stinga sér í vettlingana, smella húfunni á höfuðið og renna upp úlpunni og hjóla af stað á vit ævintýranna og skila ritgerðinni á hárréttum tíma til brosmilds kennara sem tók við meistaraverkinu með bros á vör.

Og hana nú !

Fallegur hópur !

Hér sést betri hluti fyrstaársnema í félagsvísinda lagadeild Háskólans á Akureyri.


Það má með sanni segja að það hafi verið gaman á árshátið FSHA, jafnvel þó svo að minnið hafi orðið eitthvað gloppótt þegar leið á kvöldið.

Undur og stórmerki !

Í dag þá fór ég á fætur klukkan átta, eldaði mér hafragraut og fór síðan að læra.

Það þykir kannski ekki frásögum færandi, nema það að ég átti ekki að mæta í skólann fyrr en klukkan tíu.

Það er mjög langt síðan að svona lagað hefur gerst hjá latasta manni Íslands.

Nóg að gera

Þýðing á fimm blaðsíðum af fræðilegri ensku um kenningar Maxs Webers um náðarvald fyrir morgundaginn, verkefni í íslensku um málsnið fyrir fimmtudaginn og ritgerð um rannsóknarblaðamennsku í fjölmiðlafræði fyrir fimmtudag líka.

Samt sem áður þá sit ég hér og væli um hvað það sé mikið að gera og skrifa um það á netið.

Væri ekki nærri lagi að hætta að gefa sér tíma í þessa vitleysu og gera eitthvað af viti, í staðinn fyrir að horfa á tölvuskjáinn og vona að allt reddist von bráðar.

Já, það er nú það...

Skyggni ágætt

Það er greinilegt að það stefnir í þynnkudag númer tvö, þar sem sunnudagurinn var ekki nægur til þess að vinna á þynnkunni sem brast á í kjölfar ofneyslu Brennivíns og Morgans skipstjóra.

Útlitið er samt bjart fyrir morgundaginn enda þarf lifrin varla meira en tvo daga við úrvinnslu áfengisins sem neytt var um helgina.

Ekki alveg nógu góð kjörsókn...

Þar sem aðeins 24 kusu í jakkafatakosningunum, þá neyðist ég að ákveða sjálfur í hvaða jakkafötum ég fer á árhátið.

Nú er bara að vona að hvítu buxurnar verði ekki eins þröngar og þær voru þegar ég var að máta þær.

.................................................................... Svo virðist sem að þau gráu ætli að hafa vinninginn, sérstaklega í ljósi þess að mittið á þeim er mun víðara en hjá þeim hvítu.

Nú er það grátt, eða hvítt!

Nú er víst komið að árshátið Háskólans á Akureyri og þemað er víst "Mafíuósar".

Ég er búinn að ákveða að fara á árshátíðina en málið er bara hvurslags múndering verði fyrir valinu.

Samtals á ég fjögur jakkaföt en einungis tvenn koma til greina. Þar sem ég er mjög óákveðinn maður þá hef ég ákveðið að láta ykkur lesendur velja fyrir mig klæðnaðinn og fara eftir kosningu ykkar.

Svo spurningin er sú, hvort eru það hvítu eða gráu jakkafötin sem verða fyrir valinu ?

Gráu eða hvítu jakkafötin
	Gráu
	Hvítu
Free polls from Pollhost.com

Mig langar að benda á það að ég tek ekki mark á kosningunni nema að minnsta kosti 50 atkvæði berast.

Þið getið smellt hér til að skoða myndir af drengnum í jakkafötunum títtnefndu.


Á umræddu myndum má sjá að fyrirsætubransinn er á næstu grösum hjá Bóndanum.

Út hef ég drukkið allt vit

Það er víst próf á morgun. Ég gleymdi því að ég ætlaði rosalega að læra undir það próf um helgina en allt kom fyrir ekki.

Nú er bara að leggja allar bollur frá sér og rífa upp brækurnar og bækurnar.

Ofurhress !

Eftir vísindaferð í KB-banka og heimsókn upp á níundu hæð í Tröllaborgum, þá var ákveðið að koma við á Kaffi Akureyri og þetta varð niðurstaðan.

Eins og sjá má á þessari mynd þá var ég í mjög svo góðum gír.

Því miður þá var ástandið ekki eins gott í dag.

Ég er ekki ennþá búinn að fatta að Vískí og bjór fara ekki voðalega vel saman... sérstaklega ef ofneysla slíkra drykkja á sér stað.

Til Hamingju Eva (og Ísland)

Í dag er ungfrú (tilvonandi frú) Eva Beekman tuttugu og tveggja ára gömul !

Vil ég nota tækifærið og óska þessari elsku til hamingju með afmælið en hún er einmitt núna stödd í Tælandi að gera einhvern fjandan af sér, eitthvað sem engum sögum fer af... sem er kannski best.

Þeim sem langar að senda Evu hamingjuóskir er bent á heimsreisuheimasíðu Heru, Evu og Rögnu, www.blog.central.is/heimsreisan


Eva er væntanlega glöð yfir þessum stórviðburði og hyggst væntanlega halda upp hann að tælensk/íslenskum sið. Nú er bara að senda hlýja strauma til hennar jafnvel þó svo að það sé um 30 stiga hiti í Tælandi í augnablikinu.

Smá pælingar...

* Ætli það sé mikið brax að búa í Brasilíu ?
* Ætli það sé mikið af litum í Litháen ?
* Ætli það sé mikið að bandi í Bandaríkjunum ?
* Ætli það sé mikið af eistum í Eistlandi ?
* Ætli það séu alltaf páskar á Páskaeyjum ?
* Ætli það séu mikið af hondum í Hondúras ?

Ég var bara svona að spá í þessu, sérstaklega í ljósi þess að það sé ekki mikið af ís á Íslandi. Spurning hvort aðrar þjóðir standi undir nafni?

Dans Sigmar !

Þá er það komið á hreint, ég, Sigmar Bóndi Arnarsson er með tvo vinstri fætur.

Eftir eins og hálfs tíma langa dans stund upp í Háskóla þá var komist að þessari stórmerkilegu niðurstöðu.

Engu að síður þá skemmti ég mér konunglega enda hef ég alltaf haft lúmskt gaman af dansi en því miður ekki ræktað áhuga minn nægilega mikið. Aðal vandamálið varðandi dansinn var að gera eitthvað tvennt í einu. Ég er ekki alveg að ná að hugsa og hreyfa leggina rétt um leið.

Ég er bara hissa að ég hafi ekki bara hnigið niður við þessa áreynslu á huga og líkama.

En maður má ekki láta deigan síga, heldur mæta í næsta tíma þrátt fyrir harðvítugleg mótmæli meðdansara og sýna þeim hvað býr í drengnum !

Vínarpolka, vals og ræl !

Áfram Þristur !

Ég var að falla í mínu fyrsta prófi í Háskólanum á Akureyri í lífi mínu. Ég var í tölvuprófi í stærðfræði þar sem einungis 19% í áfanganum náðu. Ég var því miður ekki þar. Mér til mikillar gleði þá tók ég eftir því að ástæðan fyrir því að ég féll var einungis klaufalegs eðlis, því ég hafði gert eina pínu ponsu villu í byrjun sem hafði áhrif á allt prófið.

Ég endaði því með forlátan þrist í einkunn og ætla því að fagna því með neyslu eins slíks núna á eftir !

Svo er maður ekki í vafa um það að Ungmennafélagið mitt verði ánægt með mig, því ekkert er betra en að standa undir nafni.

Ég er William Wallace. Samkvæmt niðurstöðum ofurhetjuprófsins sem ég var að taka þá er ég enginn annar en skeleggurinn hann Willian Wallace hinn skoski, sem gerði garðinn frægan í baráttum gegn Englandskonungi. Ekki amalegt það. William Wallace 88% Lara Croft 71% Maximus 71% El Zorro 71% Indiana Jones 67% James Bond, Agent 007 63% The Terminator 54% Neo, the "One" 54% Batman, the Dark Knight 50% Captain Jack Sparrow 50% The Amazing Spider-Man 42% Hvaða ofurhetja ert þú ? created with QuizFarm.com

Salatbars *** og 1/2

Það má með sanni segja að ég hafi gert mér glaðan dag í hádeginu í dag. Ég skellti mér á salatbarinn í Háskólanum á Akureyri með pompi og prakt. Ofneysla salats átti sér auðvitað stað því ég skóflaði vel á diskinn hjá mér, því ábótin er víst engin á þessum rómaða bar.

Ég verð nú að segja að ég var meira að segja nokkuð ánægður með diskinn hjá mér. Öll hlutföll tegunda vori í réttu magni og brögðuðust mjög vel, fyrir utan litlu tómatana en það var smá geymslubragð af þeim. Á heildina litið þá var þetta mjög góður salatbar og fær hann 3 og 1/2 af fimm mögulegum.


Keimlíkur var diskur Sigmars og þessum en bragðaðist sennilega betur.

Hlekkir

Var að bæta við nokkrum Hlekkjum á síðuna !


Hlekkur frá Túnsbergi


Hlekkur frá Hofi

Og svo náttúrulega...


Hlekkur frá Stóra Hvammi

Ég var samt einnig að bæta við og uppfæra hlekkina hér til hægri, gömul blogg eru farin út og ný komin inn !

Verðbréf



Það er nóg um að vera í verðbréfabraskinu hjá mér þessa dagana. Gengi FL group er að rísa upp úr öllu valdi þannig að það má alveg eins að ég fari að kaupa KB banka með þessu áframhaldi.

Sjáið bara:

Hlutabréf
FL GROUP hf. 10.500,00 kr. 27,7 1,000000 ISK 290.850,00 kr.
Samtals eignir: 290.850,00 kr.

Ég á hlut upp á 10.500 krónur en get selt það fyrir 290.850 krónur í dag. Ekki amalegt það.

Magnað hvernig þessir hlutir virka.

Helgin sem leið...

Ég hugsa að best sé að stikkorða helgina sem leið, ég er ekki í milu stuði til þess að skrifa mikið.

Föstudagur

* Spennti músaboga
- þruskið var farið að fara í pirrurnar á mér
* Horfði á Star Wars 3 með Binna bróðir
- var alveg hrikalega spenntur allan tímann

Laugardagur

* Kom að vettvangi morðs
- Músin hafði komist í suðusúkkulaðið sem ég egndi fyrir henni. (Set inn myndir seinna af greyinu)
* Las heilmikið í ritum Karli Marxs
- Án þess þó að skilja það
* Skrapp á þorrablót með mömmu, ömmu og Guðmundi
- Þar byrjaði kjaftæðið
* Skrapp á Vélsmiðjuna með mömmu, ömmu og Guðmundi (Binni kom við seinna)
- Þar hófst ölvunin, hjá mömmu, ömmu og Guðmundi (já ömmu líka )
* Var bílstjóri kvöldsins
- Skemmti mér konunglega yfir ölvun hópsins (Binni sofnaði m.a. á leiðinni heim)
* Fór alltof seint að sofa
- Lið komst ekki heim fyrr en um 5 leytið

Sunnudagur

* Fótbolti
- var samt hálf þunnur frá því deginum áður, sennilega af ofneyslu kaffis.
* Kvöldmatur hjá mömmu
- Tveim sjálfboðaliðum var boðið í plokkfisk
* vídeogláp
- Horfði á "Liliya 4-ever". Fór næstum því að grenja í lok myndarinnar.

Svona var nú þessi helgi hjá mér í hnotskurn. Ég var með stafræna myndavél á mér einhvern hluta helgarinnar, þannig að það má búast við einhverjum myndum ef ég verð ekki of latur.

Týndi hlekkurinn !

Ég var að komast að því að Sigurður Sindri Stefánsson hefði verið hlekklaus hér á síðunni. Það er nú búið að kippa því í liðinn, þannig að áhugasamir geta lesið allt um ævintýri Sigurðs á Internetinu !


Sigurður verður nú að teljast með myndarlegri mönnum sem hafa komist inn á síðuna hans Sigmars

Framburður

Ég var að horfa á sjónvarpið í gær, sem er nú ekki frásögum færandi nema hvað að ég tók eftir einni auglýsingu fyrir Bónus Vídeó sem kom mér í vont skap. Þulurinn fór ad tala um að Martin Lawrence væri að leika skemmtilegan "hrokkagikk" í einhverri mynd sem var verið að auglýsa.

Ekki veit ég hvað hrokkagikkur er, en það var það sem maðurinn sagði. Er hann að tala um að Martin Lawrence myndi leika hrokkinn hærðan oflátung eða hvað ?

Eitt er víst að ég veit hvað hrokagikkur og það kemst sennilega nærri lagi um lýsingu á persónu Martins Lawrences í umræddri kvikmynd. Ég trúi því frekar að Martin sé að leika hrokafullan mann heldur en hrokkin hærðan.

Myndaalbúm

Ég er samt í smá vandræðum með myndaalbúmið mitt, það vill ekki leyfa að hlekkja á myndir frá sinni síðu, þannig að ég get ekki birt myndir á síðunni.

Ekki vitið þið lesendur góðir um góða fría (auðvitað) myndasíðu sem breytir ekki stærð myndanna sem maður er með ?

Ég er að verða sköllóttur á þessu !

Myndaalbúm eitt komið í lag !

jæja, nú er maður búinn að sitja sveittur yfir fjárans tölvunni og setja inn nokkrar gamlar myndir frá mínu ástkæra Lettlandi. Fyrir valinu voru nokkrar myndir frá Barnaheimilinu í Selga þar sem ég var að vinna, en þar eru um 35 börn að staðaldri.

Þetta er samt aðallega gert fyrir krakkana þar úti, því þeim þótti ægilega gaman að sjá sjálf sig á Internetinu, en gjérið þið svo endilega vel líka !

Myndarlegur

Í tilefni þess að ég skuli myndast svo vel þá ákvað ég að birta mynd af mér frá síðastliðnu sumri. Myndin er tekin í Vilanova í la Geltrú, sem er lítill bær sunnan af Barcelona.

Búast ef til vill við fleiri myndum á næstunni þar sem ég er að vinna hörðum höndum að því að hlaða inn nýjum myndum á nýja myndasíðu.

Þetta geri ég eingöngu fyrir lesendur mína og til gamans geta þá er ég að fórna mikilvægum tíma til náms fyrir þetta krefjandi verkefni, sem ég vona að lesendur kunni að meta.


Drengurinn er gullfallegur, sama hvað er !

Heiðarleg tilraun

Ég brunaði upp í skóla í dag og ætlaði svo aldeilis að fara að læra enda var ég kominn í smá stuð eftir morgun/hádegismatinn.

En allt kom fyrir ekki. Eins og venjulega og ég endaði bara með því að fara á Internetið sem dró niður allan lærdómshug úr mér.

Þetta er farið að koma furðu oft fyrir mig þessa dagana... En samt er letin að læðast úr manni.

Ég hef það mér nú til málsbóta að fyrir svona tveim árum síðan þá hefði mér einu sinni ekki dottið það í hug að fara að læra á laugardegi ! Tja, jafnvel fyrir tveim vikum síðan þá hefði ég einu sinni ekki nennt að hugsa um það að fara að læra á laugardegi.

Batnandi mönnum er víst best að lifa.

Íslensk málnotkun

Verður að bíða því ég er að gera íslensku verkefni núna og ef ég fjalla eitthvað meira um eitthvað þvíumlíkt í dag þá á ég hættu á að brenna mig og fá leið á því að ræða íslenskt mál og fari alfarið að snúa mér að norsku.

ekki viljum við það ?

Enginn tími

Þið eruð alveg rosalega óheppin í dag því ég var að fara að skrifa eittvað skemmtilegt um orðnotkun íslendinga en tók þá eftir því að handboltaleikur mill Íslands og Rússlands var að fara byrja, þannig að ég hef ekki með nokkru móti tíma til þess að skrifa eitt né neitt um orðanotkun okkar.

Bíðum betri tíma.

Látum hendur standa fram úr ermum ! Koma svo strákar !

Vopnað rán !

Maður fremur rán í Happdrætti Háskóla Íslands vopnaður byssu.

Er ekki allt í lagi ?

Maður spyr sig...

Hvar er ritgerðin ?

Ég fékk skýringu á lágri einkunn í ensku frá kennaranum mínum í gær. Svo virðist sem ensku ritgerðin mín um bros Mónu Lísu hafi aldrei komið sér til skila en allavegana þá þóttist ensku kennarinn minn ekki kannast við að hafa fengið ritgerðina upp í hendurnar á sér, jafnvel þó svo að ég hafi skilað ritgerðinni.

En með sjarmerandi brosi og þokkafullri framkomu þá tókst mér að sannfæra kennarann um að taka við ritgerðinni og fara yfir hana og væntanlega gefa mér einkunn sem hefur áhrif á lokaeinkunnina mína í ensku.

Þannig að meðaleinkunnin mín kemur til með að hækka eitthvað lítillega með hækkandi sól, ekki amalegt það.


Leyndardómar Mónu halda áfram að birtast í hinum ótrúlegustu myndum enn þann dag í dag. Dan Brown hefur þegar sett í samband við Sigmar um þetta dularfulla atvik. Búast má við uppkasti af sögunni í Maí.

Kalt !

Það voru engin -4 stig á celsius í morgun þegar ég hjólaði í skólann, það var miklu meira !

Helvítis veðurstofa, mér var kalt í morgun og verð sennilega aftur kalt þegar ég hjóla heim.

Hvernig væri að spá þannig að maður geti nú planað fötin kvöldið áður en maður fer út ?

Jæja, best að hysja upp um sig stuttbuxurnar og hlýrabolinn og hætta þessu væli og fara að koma sér heim.

Þreyttur eða breyttur ?

Alveg síðan ég vaknaði á nýársdag í jakkafötunum mínum einhversstaðar í Noregi þá hef ég verið þreyttur. Nú, rúmlega hálfum mánuði seinna þá er ég ennþá að geispa fram eftir degi og er að kljást við óstjórnanlega þreytu.

Svona til gamans þá hef ég ákveðið að setja saman lista yfir hugsanlegar ástæður fyrir þessari síþreytu minni sem ætti að geta varpað ljósi á þennan slappleika minn.

* Skammdegisþunglyndið hefur náð mér.

* Ég svef allt of illa eða of laust.

* Draumur minn um nornina um daginn heldur fyrir mér vöku á nóttunum.

* Næringarskortur á fyrstu dögum nýs árs vegna ömmuleysis.

* Sjokkið við að nýtt ár sé gengið í garð kom mér í opna skjöldu.

* Kvennmannsleysi er farið að hrjá mig.

* Ég vakna alltaf of snemma.

* Ég fer alltaf of seint að sofa.

Þetta eru allt góðir punktar um síþreytu mína en það er spurning hvort aðalástæðan sé ekki sú síðastnefnda í listanum, ég sjálfur hallast allavegana mest að því.

Sigmar síþreytti

Ekki get ég nú sagt það að ég hafi nú hvílst vel um helgina, sem leiðir til þess að ég verð þreyttur og úrillur í skólanum.

Ekki bætti það úr skák að ég fór á fótboltaæfingu á sunnudaginn sem skildi eftir sig lúinn líkama og fullan af strengjum.

En það er samt gaman að minnast á það að sólin skein hér norðan heiða í gær sem og í dag sem lyfti brúninni óneitanlega mikið, þetta er allt að koma !

Ótrúlegt !

Eftir að hafað setið í næstum þrjá tíma fyrir framan tölvuna, þá hefur mér ekki tekist að gera nokkurn skapaðan hlut allann þann tíma.

Ég bara skil ekki afhverju hlutirnir gerast ekki að sjálfu sér, það er mér bara lífsins ómögulegt.

Föstudagurinn 13

í tilefni dagsins þá langar mig að gefa ykkur heilræði.

Gjörið svo vel:


Þetta er mjög mikilvægt að muna á þessum degi.

Heppinn !

Í gær fékk ég ókeybis bólusetningu gegn hettusótt. Þetta er sennilega það besta sem komið hefur fyrir mig á þessu glænýja ári og ég ætla rétt að vona að heppnin fylgi mér áfram líkt og í gær !

Annars er það í öðrum fréttum að ég sit og blogga upp í skóla núna tuttugu mínótur í níu, af því að ég mætti klukkan átta þegar ég átti að mæta klukkan tíu.

Svona leikur nú lukkan við mig !

Hot or not, flugvellir og nornir

Það er einstaklega skemmtilegt þegar maður er að verða veikur, þegar manni er ískalt jafnvel þó manni sé sjóðandi heitt.

Þannig leið mér í gærkvöldi og svo um nóttina sem leið.

Það var samt bara mjög gaman, mig dreymdi endalaust um einhverja flugvelli og svo nornina Granny Weatherwax úr bókinnu "Equal rites" eftir Terry Pratchet, frekar súr draumur en áhugaverður engu að síður.


Granny Weatherwax stóð svo aldeilis fyrir sínu í draumnum í gær, enda hafa nornir haft gott orð á sér fyrir að krydda upp drauma sem þær taka þátt í, jafnvel þó svo að flugvellir eigi í hlut.

Alvara lífsins tekur við

Þá er maður formlega byrjaður í skólanum aftur eftir smá hlé. Það er samt alveg ótrúlegt hvað það er erfitt að mæta aftur, viljinn til þess að liggja og kúra aðeins lengur en maður má er alveg ótrúlegur.

En sem betur fer þá tókst manni ekki að sannfæra sjálfan sig um ágæti þess að sofa aðeins lengur, heldur þá reif maður sig upp og mætti í skólann, hýr á brá í svaka stuði !


Stemmingin fyrir utan Háskólann á Akureyri var eitthvað á þessa leið í morgun, enda voru allir svaka glaðir við að mæta aftur í skólann.

Vinna, vinna, vinna

Nu er thad stora spurningin... hvar a madur ad vinna i sumar ?

Thad er ekki nema Januar enntha, en thad er samt agætt ad fara ad spa i thessu.

En her er listi yfir størf sem eru inni i myndinni

* Laxaslatrun i Noregi
- Afhverju ekki ?

* Flugfelag Islands Egs
- Fekk agætis loford um starf i haust.

* Smidavinna hja Magnusi Thorarinssyni
- Gæti lært eitt og annad thar.

* Gæti stofnad mitt eigid internet fyrirtæki
- Homer Simpson gat thad, afhverju ekki eg ?

* Unnid i lottoinu
- Væri mikid til i ad vinna thar.

Nu er bara ad bida og sja til hvar madur lendir, eg vona natturulega thad sidasta...

Confession...

Eg verd nu bara ad segja eitt, eftir ad hafa sed tvø myndbønd med nyja laginu hennar Madonnu sem er ad trøllrida Oslo og Noregi thessa dagana, tha verd eg ad segja ad Madonna er ekkert venjuleg.

Ekki nog med thad ad bua til magnada pløtu tha er hun bara eitthvad svo møgnud sjalf, eg verd nu bara ad segja ad eg er pinu skotinn i henni.

Manneskja sem er ad nalgast fimmtugt sem heldur ser svona ungri, bædi i anda sem og likamlega, a nu hros skilid. Thad getur vel verid ad hun hafi latid strekkja vel a ser i gegnum tidina en thad er bara ekki nog, hun greinilega passar vel upp a sig, thessi elska.

En nog um thad, Madonna a hros skilid fyrir ad bua til skemmtilega pløtu, flott tonlistarmyndbønd og fyrir ad halda ser flottri svona lengi !


Thad er ekkert skrytid ad madur furdi sig a thessari stormøgnudu manneskju, hun synist vera eins og hun var fyrir 20 - 30 arum sidan, "like a virgin"