laugardagur, október 16, 2004

Af kennaraverkfalli

Ég held að deilendur í kennaraverkfallinu ættu að fara að semja hið snarasta. Nú um daginn, þegar ég var að labba í vinnuna, þá heyrði ég einhver óhljóð. Við nánari athugun, þá sá ég ungan dreng á grunnskólaaldri vera að elta lítinn kött, geltandi eins og hundur. Við þetta set ég stórt spurningarmerki. Er ekki löngu kominn tími til að fara að leysa úr þessari deilu, áður en ungdómur landsins missir endanlega vitið.


Kötturinn Árni hlaut mikinn tilfinningaskaða við áreiti unga drengsins og hyggur á hefndir. Á myndinni sést Árni í hryðjuverkaskóla sameinaða húskatta í Austur skaftafellssýslu.

föstudagur, október 15, 2004

Söluskálinn og pitsurnar

Í gær, héldum við vinnufélagarnir, Ásgrímur Ingi og ég, á vit ævintýranna í söluskála KHB á Egilsstöðum. Við skelltum okkur á hið vikulega pitsahlaðborð þar á bæ og létum til skarar skríða. Við mættum til átu um 18:20 og fórum ekki fyrr en um áttaleytið. Eftir þann tíma var söluskálinn sextán pitsasneiðum, tveim kokteilsósudollum, um 2 lítrum af gosi og smá frönskum fátækari. Fyrir þetta greiddum við einungis 2000 krónur, og teljum við okkur hafað náð upp í kostnað, þ.e. hráefniskostnað, sem var takmarkið. Að vísu var reynt að eitra fyrir okkur í millitíðinni með jalapenó pipar, en allt kom fyrir ekki, og þrátt fyrir að forsvarsmenn söluskálans hafi reynt að bregða fyrir okkur fæti þá héldum ótrauðir átunni áfram.


Fregnir herma að Khb sé búið að endurskoða afstöðu sína gagnvart pitsahlaðborðum, þar sem frést hefur að einstaka aðilar misnoti hlaðborðið alvarlega. Málið er í rannsókn hjá Heilbrigðiseftirliti austurlands.

miðvikudagur, október 13, 2004

Merkisatburður í ljósmyndasögu Íslands !

Stórmerkar myndir náðust af einstökum atburði nú fyrir skömmu þegar fæðing tveggja Íslendinga festist á filmu í Mývatnssveit núna fyrr í Haust. Ritstjórn Heimsins í hnotskurn, hefur ákveðið að deila þessum merka atburðu með alheiminun og sýna enn sem fyrr sérstöðu okkar íslendinga. Halldór Ásgrímsson kvað þetta vera merki um mikinn myndugleika þjóðarinnar og sýndi öðrum þjóðum úr hverju við værum gerð, bókstaflega. Ólafur Ragnar Grímsson tók í saman streng að sagðist ætla að senda fálkaorðuna með póstkröfu strax næsta dag. Ekki náðist í Ara Trausta Guðmundsson jarðfræðing vegna þessa máls.

Hér getið þið orðið vitni að þessum merka atburði
Hér sést Stefán borubrattur að skríða úr gjótunni. Smellið á myndina til að verða vitni að fæðingu Sigmars.

mánudagur, október 11, 2004

Á slóðum snillinga eða er fjárhagur menntaskólanna algjörlega í rúst ?

Núna í dag var ég að safna heimildum í ritgerð eina sem ég á að gera fyrir áfanga einn í Menntaskólanum á Egilsstöðum. Til þess verknaðar tók ég mig til og ljósritaði (löglega) upp úr þónokkrum bókum úr bókasafni Menntaskólans á Egilsstöðum. Það er svo sem ekki frásögum færandi nema það á ljósritunarkortinu sem ég var með, var ritað nafn eins kunnugrar dagbókasmiðs hér um slóðir.

Það var enginn annar er Finnur Torfi Gunnarsson sem hafði merkt sér þetta merkilega ljósritunarkort endur fyrir löngu. Það má líta á þetta á tvenna vegu. Annars vegar tel ég mig vera á slóðum merkra manna með að handleika þvílíka forngrip en hins vegar má setja stórt spurningamerki við fjárhag Menntaskólans, að geta ekki endurnýjað svo lítin og einfaldan hlut. Ég held að ég kjósi fyrri kostinn, hann hljómar betur.


Finnur Torfi Gunnarsson var himinlifandi við þennan stórmerka fornleifafund í Menntaskólanum á Egilsstöðum. Aðspurður sagðist þó hryggja fjárhag skólans, sem væri í "algjöru fokki" eins og hann orðaði það.

sunnudagur, október 10, 2004

Glænýjar gamlar myndir !

Höttur - Sigmar Bóndi 0 - 1 Rúst !!!
Þokkalega rúst sumarsins !