Threyttur, sveittur og ordinn pinulitid pirradur !

Jæja,nu er eg staddur a flugvellinum i kaupmannahøfn og lidanin er eins og fyrirsøgnin segir.

Nu er madur buinn ad vaka fra thvi 05:00 i morgunn og klukkan er 19:00 ad islenskum tima. Thad er skemmst fra thvi ad segja ad svefninn var ekki mikill sidustu nott, og ekki hjalpadi thad ad vakna fyrir allar aldir.

Nu sit eg bid eftir ad fara til Berlin, flug sem fer kl 21:20, og tilhløkkunin er gridarleg, serstaklega eftir ad eg sa ad thad er beint flug til Riga fra Køben. Bara geggjad. En thad verdur samt gaman ad komast til thyskalands i sma stund og gista thar. Thad er svo miklu betra en ad fljuga beint til Riga.

Annars er dagurinn buinn ad vera agætur, tok sma rølt a strikinu og fekk mer pølse og kjeffe. Annars bidur Berlina murinn eftir mer, eg er ad hugsa um ad fara ad vinna adeins betur i honum og reyna ad endurvekja gamla sovet, bara svona til ad minnast godrar tima.

Sveittur a bakinu, kominn med nørdasvita a ennid og buinn ad setjast thrisvar nidur a settid i dag (med medfylgjandi svitamyndun). Thad gerist ekki betra en thad.

Ég er flottur !


Ég er bara mikill kappi í warcry spilinu !

En þrátt fyrir það, þá er ég að fara út á morgun, fyrst til Köben, verð þar í nokkra tíma, svo ég skrepp í bæinn og fæ mér nokkrar bollur. Um kvöldið þá fer ég til Berlín og gisti þar yfir nóttina. Múrinn sjálfur er víst í göngufæri frá gistiheimilinu, þannig að maður á eftir að kíkja á hann og syngja Nallan. Á þriðjudagsmorguninn þá fer ég til Riga og allt verður geggjað.

Þannig að eftir þessa færslu þá verða allar aðrar skrifaðar með leiðinlegum útlenskum stöfum, en þið verðið bara að sætta ykkur við það !

Síðasti síðasti dagurinn

Jæja, nú er komið að því. Langþráður draumur vinnufélaga minna hjá Flugfélagi Íslands á Egilsstöðum er orðinn að veruleika.
Í dag föstudag 4 febrúar á því herrans ári 2005 er komið að síðasta síðasta degi mínum í vinnu hjá Flugfélagi Íslands. Ég er þegar búinn að hætta einu sinni áður, en ég held að ég hætti ekki í þriðja skiptið.

Ekki nóg með það að vera að hætta hjá Flugfélaginu, því ég hætti líka hjá RÚV seinna í dag. Ekki amalegt það að ná að klára tvær vinnur á einum og sama deginum.


En ég held að rampurinn á Egilsstaðaflugvelli verði tómlegur þegar ég verð farinn.

"Segi það og skrifa, Hættur !!!"

Bjór og bolti á Þriðjudegi

ATH Þessi færsla er skrifuð í miklu heilsuleysi á miðvikudagsmorgni.

Í gær tók ég mig til og skrapp á Kaffi Nielsen í þeim tilgangi að verða vitni af stórleik í ensku knattspyrnuni sem var sýndur á 38" plasma skjá á efri hæð Nielsens. Vissulega gekk það allt gott og vel fyrir sig, enda var leikurinn hin besta skemmtun og úrslit úr öðrum leikjum kvöldsins voru góð. Þetta var sumsé í alla staði skemmtileg kvöldstund sem ég átti þarna með nokkrum góðkunningjum mínum. En það fylgir víst böggull skammrifi, því gærkvöldið þurfti náttúrulega að eiga eftirköst.

Ofsofnun og slappleiki þurfti endilega að fylgja í kjölfar góðrar skemmtunar.


Ekki er víst hvað veldur, en talið er að óhófleg neysla bjórs hafi eitthvað með þetta að gera, en ekki er búið að útiloka þann möguleika að maturinn sem ég pantaði mér um kvöldið hafi verið eitthvað skemmdur...

Glænýjar myndar !!!


Árið 2004 var kvatt með viðeigandi hætti, sumsé með óhóflegu áti og drykkju, sem og með sprengingum. Ég tók Canon ixus með í för þetta kvöld, en ég get talið mig heppinn að týna henni ekki þetta sama kvöld... það helltist einhver ólyfjan í mig svo ég var eitthvað utan við mig. Allavegana, njótið vel.

Alltof stuttur tími...

Þá er víst komið að því... maður fer nú bara að fara. Allt er tilbúið, flugmiðinn og allt svoleiðis, nema kannski bara ég.

Ég er sumsé að fara til Lettlands, nánar tiltekið til Ventspils, sem er vestarlega í Lettlandi, við Eystrasaltssjóinn. Ég hlakka mikið til þess að fara, en kvíði líka fyir því, en ætli það sé ekki líka eðlilegt.


Ventspils er, eins og sést, hafnarborg. Þetta er víst ekki "heitasti" staðurinn í Lettlandi, en þetta legst vel í mig.

Nú þannig að 7 febrúar næstkomandi þá hverf ég af landi brott og verð í burtu í hálft ár. Ekki slæmt það. En ég á eftir að láta heyra í mér, er ekki málið í dag að halda úti vefdagbók og skrifa um ævintýri og hasar í fjarlægu landi ? Ég held að Lettland sé ágætis vettvangur í það.

Liverpool Vs Manst´eftir júnæted ?

Stórleikur á morgun laugardag kl 12:45 þegar Manchester United kemur í heimsókn á Anfield. Ég býst við að þetta verði alveg stórskemmtilegur leikur sem endar vafalaust með sigri rauða hersins. Í raun er ekkert annað ásættanlegt, því annars fer ég í mikla fílu og verð ekki viðræðuhæfur næstu daga.


Við skulum svo öll standa saman og halda með Liverpool svo hinn ungi Shaun O´Nielsen verði ekki fyrir vonbrigðum.

Áfram Liverpool !!!

Catan partý

Það er búið að vera mikið um átök í kjallara Faxatraðar 3 síðustu misseri, enda er búið að vera að deila um alheimsyfirráð á eyjunni Catan, sem er numin jafnvel nokkrum sinnum á kvöldi. Sigmar, leppstjóri Faxatraðar kjallarans stendur samt uppi sem alheimsvaldur Catan eyjunar, þarsem hann er búinn að vinna flestar baráttur um þessa forboðnu eyju í kjallaranum.

Catan landstjóri kjallara Faxatraðar var á dögunum heiðraður af Catan sambandi alheimsins en það var Klaus Treppenhaus, keisari Catan veldissins í Þýskalandi sem gerði það, en þaðan er einmitt eyjan Catan upprunnin.

Sigmar var heiðraður með splunkunýju Catan spili sem er gætt þess eiginleikum að allir sem spila það fá gríðarlegan góðan skeggvöxt á efri vör, samskonar og Klaus er með.

Catan landnemar


Ég var að kynnast frábæru spili í gær, Catan landnemar. Þetta er hreint og beint geggjað spil, þar að segja ef þú ert nörd, eins og hitt sjálfið mitt. Þetta er borðspil í anda civilisation og þú átt að byggja borgir, vegi og þróast yfir í að verða konungur alheimsins í spilinu. Það er skemmst frá því að segja að við tókum þrjú spil í gær og ég vann tvisvar, sem þýðir að ég er bestur í öllum alheiminum.

kv Sigmar Catan kóngur.

Lettlandsstuð

Nú er maður víst á leiðinni til Lettlands í hálft ár.

Úff

Maður er svona beggja blands, en það er ekki spurning að maður fari, því annars sér maður eftir þessu allt sitt líf. Ég er nú hræddur um það.

Ég og Eva skruppum austur til Frakklands núna í haust og tókum ungfrú Kodak með í för. Hún er þeim kostum búin að geta lýst upplifun sinni með mynd ! Endilega fylgist með ævintýrum Evu og Simmi í æsiför sinni um Evrópu og smellið á turn Eiffels.

Bóndinn í góðum félagsskap


Skrapp til Frakklands og hitti eina feita tjellingu...

Sunnudagsblogg

Læra leika lita, þið ættuð bara að vita, hver rosalega er gaman í kjallaranum hjá mér.

Það er alveg hræðilegt að sýna svona mikið af enska boltanum um helgar, því maður getur enganveginn einbeitt sér með svona guðdómlega afþreyingu í imbakassanum. Sveiattan og skamm skjár 1, þetta er ekki sniðugt lengur !

Harðfiskur á laugardagskveldi

Það er laugardagskvöld og ég sit einn heima að læra. Ég er að borða harðfisk í kvöldmat, ættaðan úr Pollinum Akureyri og hertur á grálúðumiðum fyrir vestan land.
Ég er hræddur um að ég fari í Brávelli 5 á eftir og spili Monopoly og súpi bjór, bara svona rétt til að bjarga geðheilsunu.

p.s Liverpool tapaði í dag og það var ömurlegt.


Hér má sjá ýsuna hana Lísu herrta og tilbúna til átu. Hún varð ekki fyrir vonbrigðum þegar inn fyrir varir Sigmars var komið, enda "sporðrenndi" hann henni niður á skömmum tíma með smá viðbiti. "lífið gerist vart betra eftir svona máltíð" sagði Sigmar eftir ýsu Lísu átið.

Hva, er bara kominn vetur ?

Ég held að það hafi ekki dulist neinum hér austanlands í dag að veturinn hafi gert eitthvað vart við sig. Það er samt magnað hvernig hann byrjar á þessu. Hann er ekkert að læðast upp að okkur ok koma yfir landið hægt og bítandi. Nei, hann tekur þetta með pompi og prakti, eins og sönnum herramanni sæmir !


Það er svo sem í fínu lagi að fá smá hríðarbyl yfir sig, það bara minnir mann bara betur á hvað sumarið er gott, en það getur verið alveg djéskoti kalt að labba í skólan í svona veðri.


Og hver nennir að fara í neysluferð þegar Kári vinur minn lætur svona. Ég þarf meira að segja að hringja í Riddaraliðið til að skila inn DVD disknum sem ég fékk að láni í gær frá söluskála khb. Það er von að riddari götunar komi mér til bjargar...

Af kennaraverkfalli

Ég held að deilendur í kennaraverkfallinu ættu að fara að semja hið snarasta. Nú um daginn, þegar ég var að labba í vinnuna, þá heyrði ég einhver óhljóð. Við nánari athugun, þá sá ég ungan dreng á grunnskólaaldri vera að elta lítinn kött, geltandi eins og hundur. Við þetta set ég stórt spurningarmerki. Er ekki löngu kominn tími til að fara að leysa úr þessari deilu, áður en ungdómur landsins missir endanlega vitið.


Kötturinn Árni hlaut mikinn tilfinningaskaða við áreiti unga drengsins og hyggur á hefndir. Á myndinni sést Árni í hryðjuverkaskóla sameinaða húskatta í Austur skaftafellssýslu.

Söluskálinn og pitsurnar

Í gær, héldum við vinnufélagarnir, Ásgrímur Ingi og ég, á vit ævintýranna í söluskála KHB á Egilsstöðum. Við skelltum okkur á hið vikulega pitsahlaðborð þar á bæ og létum til skarar skríða. Við mættum til átu um 18:20 og fórum ekki fyrr en um áttaleytið. Eftir þann tíma var söluskálinn sextán pitsasneiðum, tveim kokteilsósudollum, um 2 lítrum af gosi og smá frönskum fátækari. Fyrir þetta greiddum við einungis 2000 krónur, og teljum við okkur hafað náð upp í kostnað, þ.e. hráefniskostnað, sem var takmarkið. Að vísu var reynt að eitra fyrir okkur í millitíðinni með jalapenó pipar, en allt kom fyrir ekki, og þrátt fyrir að forsvarsmenn söluskálans hafi reynt að bregða fyrir okkur fæti þá héldum ótrauðir átunni áfram.


Fregnir herma að Khb sé búið að endurskoða afstöðu sína gagnvart pitsahlaðborðum, þar sem frést hefur að einstaka aðilar misnoti hlaðborðið alvarlega. Málið er í rannsókn hjá Heilbrigðiseftirliti austurlands.

Merkisatburður í ljósmyndasögu Íslands !

Stórmerkar myndir náðust af einstökum atburði nú fyrir skömmu þegar fæðing tveggja Íslendinga festist á filmu í Mývatnssveit núna fyrr í Haust. Ritstjórn Heimsins í hnotskurn, hefur ákveðið að deila þessum merka atburðu með alheiminun og sýna enn sem fyrr sérstöðu okkar íslendinga. Halldór Ásgrímsson kvað þetta vera merki um mikinn myndugleika þjóðarinnar og sýndi öðrum þjóðum úr hverju við værum gerð, bókstaflega. Ólafur Ragnar Grímsson tók í saman streng að sagðist ætla að senda fálkaorðuna með póstkröfu strax næsta dag. Ekki náðist í Ara Trausta Guðmundsson jarðfræðing vegna þessa máls.


Hér sést Stefán borubrattur að skríða úr gjótunni. Smellið á myndina til að verða vitni að fæðingu Sigmars.

Á slóðum snillinga eða er fjárhagur menntaskólanna algjörlega í rúst ?

Núna í dag var ég að safna heimildum í ritgerð eina sem ég á að gera fyrir áfanga einn í Menntaskólanum á Egilsstöðum. Til þess verknaðar tók ég mig til og ljósritaði (löglega) upp úr þónokkrum bókum úr bókasafni Menntaskólans á Egilsstöðum. Það er svo sem ekki frásögum færandi nema það á ljósritunarkortinu sem ég var með, var ritað nafn eins kunnugrar dagbókasmiðs hér um slóðir.

Það var enginn annar er Finnur Torfi Gunnarsson sem hafði merkt sér þetta merkilega ljósritunarkort endur fyrir löngu. Það má líta á þetta á tvenna vegu. Annars vegar tel ég mig vera á slóðum merkra manna með að handleika þvílíka forngrip en hins vegar má setja stórt spurningamerki við fjárhag Menntaskólans, að geta ekki endurnýjað svo lítin og einfaldan hlut. Ég held að ég kjósi fyrri kostinn, hann hljómar betur.


Finnur Torfi Gunnarsson var himinlifandi við þennan stórmerka fornleifafund í Menntaskólanum á Egilsstöðum. Aðspurður sagðist þó hryggja fjárhag skólans, sem væri í "algjöru fokki" eins og hann orðaði það.

Glænýjar gamlar myndir !

Höttur - Sigmar Bóndi 0 - 1 Rúst !!!