Föstudagur

Nóg að gera í skólanum í dag, var þó frekar lengi í gang. Fundur með leiðbeinandanum sem gekk vel og mér sýnist að ég nái að fá smá stuðning fyrir að fara heim. Leiðbeinandinn tók allavegana vel í það. Við fórum yfir spurningarnar og svo markmiðin með ritgerðinni. Hann varaði mig svo við að ætla mér ekki of mikið. Tíminn flýgur eflaust líka, þannig að maður verður að afmarka sig. Leitaði af heimildum í dag, fór yfir greinar á Marine Policy alveg til 2005. Þarf líka að leita á Web of Science, ICES Journal og svo ætla ég að líta á International Journal of Maritime History. Eflaust af nógu að taka.

Annars er þetta sá þriðji í æfingu fyrir skíðagöngumótin. Fór 40 mín. á gönguskíði á brautinni hér í Håkøybotn. Gekk vel, nýr snjór en ótroðin braut. Ágætt samt að komast aðeins á skíði til að ná tilfinningunni. Það eru bara 43 dagar fram að móti. Hafði samband í dag varðandi skráningu, sér í lagi vegna "lisens" sem maður þarf að hafa. Spurning um að fá sér helårslisens ef maður er að keppa í nokkrum keppnum. En best að stíga sér ekki til höfuðs. Ekki selja skinnið áður en björninn er skotinn.

Þá er það þriðji þetta árið

Í dag fór nokkur tími í að græja mig fyrir heimferðina. Er að fara heim til að afla gagna fyrir lokaverkefnið mitt. Kem til að skrifa um makrílvinnslu á Vopnafirði og einbeiti mér að gera samfélags- og efnahagslega greiningu með áherslu á aðlögunarhæfni.

Dagur tvö í þjálfun fyrir skíðagöngumótin hjá mér. Það fyrsta verður 16. febrúar, ekki nema 44 dagar í það. Þarf eiginlega að koma mér á skíðin. Því miður þá vantar snjó. Það hlýtur að lagast. Get hjólað eða ræktað á meðan.

Hér er svo hlekkur á Tromsö skíðamaraþonið

Annar janúar

Byrjaði að æfa fyrir skíðagöngumót. Tók frekar rólega á því, hálftími á skíðavélinni og smá æfingar þar á eftir. Er þungur á mér en vonandi lagast það fyrir miðjan febrúar. Gæti verið sniðugt að excela æfingarnar, ef ég nenni.

Annars er ég bara að undirbúa heimferð vegna meistararitgerðarinnar, búa til spurningalista og hafa samband við fólk osfv. Gengur ágætlega, er bara ekki nægilega vel kominn í gang eftir jólafríið.

Sá svo Taken 2 í gær. Fínasta afþreying og hin sæmilegast spennumynd. Fær 6,5 af tíu, lifir þónokkuð á fyrri myndinni.

Ný byrjun?

Er að velta því fyrir mér að byrja aftur á þessu.

Norðurslóðamál

Hér eru norðurslóðir í öllu sínu veldi

Vangeflingar

Netleikur

Jæja, nú er maður víst orðinn forfallinn netleiksspilari og farinn að þróa borg áfram á netinu. Til að þróa "borgina" Bíttá Helvítið Þitt, þá þarf að smella á einhvern af eftirfarandi hlekkjum til að þróa ákveðinn hluta borgarinnar.

Þetta er í raun sniðugur leikur, þar sem hann byggir á að aðrir taki þátt og myndi ákveðna stemningu í kringum þetta. Eins og áður segir, þá er ég orðinn forfallinn spilari og er að reyna að fá sem flesta til að kíkja við hverju sinni :-)

Endilega smellið á einhvern af hlekkjunum til þess að þróa borgina okkar í Bítta.

Þessi hlekkur eykur íbúafjölda

Þessi hlekkur þróar iðnað í borginni

Þessi hlekkur lagar samgöngumálin.

Svo er Garðar Valur einnig kominn með borg, og er slóðin á hana hér

Borgin hans Gazza

Um að gera að vera dugleg og smella á hlekkina :-) Þegar maður er að spila á annað borð, þá á maður að spila til þess að vinna !

Borgin Bíttu á helvítið þitt

Nú er maður víst í smá netleik, þannig að ég vil biðja fólk að smella á þennan hlekk sem er hér fyrir neðan. Hver heimsókn á vefinn þróar borgina örlítið í einu.


hér er Bíttá borgin

Flott myndband

Skúli nokkur Magnússon benti mér á eitt stórsniðugt myndband á Youtube sem öllum ætti að vera hollt að horfa á.

Ef mér skjátlast ekki, þá á lagið að vera uppbyggt með þeim hljóðum sem við "sjáum" í myndbandinu.

Vonandi vekur þetta upp einhverjar tilfinningar sem leiðir til Þess að við förum að ganga betur um heiminn.

Aðalmaðurinn er kominn á Internetið

Í tilefni af því að stóri bróðir sé kominn með heimasíðu, þá langar mig endilega að benda lesendum á hana og hvetja þá til að líta inn og skoða herlegheitin.

Á síðunni er meðal annars að finna myndir af skipum og togurum en það er eitt helsta áhugmál bróður míns, en hann er svokallað skipanörd. Einnig er að finna fjölskyldu myndir og ég býst við því að félaginn setji inn drykkjumyndir síðar meir. Einnig er þar að finna myndir af Sunnuhlíðar flotanum en sú útgerð er í miklum blóma, svo miklum að búast má við kvóta árið 2011.

Nú er bara málið að skoða og forvitnast um líf Brynjars Arnarssonar, skipanörds, áhuga trillukarls, sjómanns og föðurs.

Hér er síðan: www.123.is/binni


Hér sjást bræðurnir Sigmar og Brynjar á góðri stundu á Laxa II sem er minni báturinn í Sunnuhlíðarflotanum.

Skólinn er víst að byrja aftur

Það er alveg merkilegt hvað maður er latur að byrja aftur í skólanum... Kannski er þetta samt bara þynnkan sem situr í mér ennþá frá því um helgina.

Annars er allt gott að frétta, við skötuhjúin erum flutt í nýtt húsnæði ásamt tveim systrum Evu auk eins ungabarns (og þá á ég ekki við um sjálfan mig).

Svo er það veiðin, hún gengur alveg sæmilega, bæði á stöng og svo byssu. Gaman af því

Smá skemmtilegheit

Mig langar að kynna ykkur fyrir nýrri cover hljómsveit, New Wheels On The Block. Þetta er bara algjör snilld.


Það er alltaf gaman þegar maður sér fólk sem er ekki alveg samkeppnishæft gagnvart öðru fólki vera gera smá grín af sjálfu sér.

Deyfð

Þrátt fyrir smá fréttadeyfð á þessari síðu, þá þýðir það ekki að maður sé dauður úr öllum æðum. Allt fjörið virðist vera á heimasíðu Bíttá Helvítið þitt þessa stundina.

Bíttá helvítið þitt er veiðifélag fátæka mannsins

Gleðilegt sumar

Við Eva klikkuðum ekki á því að halda upp á sumardaginn fyrsta með því að þræða milli húsa í leit af kaffisopa.

Við enduðum í pönnsukaffi heima hjá ömmu, ásamt Binna og fjölskyldu. Ég verð bara segja að ömmu pönnsurnar eru alveg rosalega góðar, svo lengi sem maður nær að halda hemil á þeirri gömlu með sykurkarið.

En allavegana, til hamingju með sumarið, það var kominn tími á það, jafnvel þó svo að hitinn nái ekki tveggja stafa tölu í plús og það skuli snjóa úti í augnablikinu.


Það er ekki annað að sjá að þessar tvær ungu dömur séu komnar í sumarskap. Það er ekki seinna vænna þar sem sumardagurinn fyrsti var í gær.

Apríl byrjar vel

Mig langar að biðja lesendur að athuga sérstaklega vel dagsetninguna á færlsunni sem var skráð hérna á undan þessari, sérstaklega ef fólk vill ekki hlaupa þann fyrsta apríl.

Annars var frekar leiðinlegt að geta ekki séð viðbrögð fólks í gegnum athugasemdadálk. Siggi Sindri óskaði mér sérstaklega til hamingju með gabbið og ég er honum ævinlega þakklátur fyrir það.

En til að forðast allan misskilning, þá er Eva vel frísk (ekki ófrísk). Hún er meira að segja það frísk að ég er byrjaður að hafa áhyggjur af litlu "körlunum" mínum.


Eva er að vanda frísk, eins og sést hér á þessari mynd. Eva er svo frísk að hún er í engum vandræðum með að torga einni langloku frá Mati og mörk með gulum miða.

Fjölgun í fjölskyldunni

Þá er víst komið að því...

Það má með sanni segja að þetta eru gleðifréttir sem ég færi þeim sem lesa þessa síðu en það er víst komið í ljós að við eigum von á litlu kríli á næstunni :-)

Aðdragandinn að þessu hefur verið nokkuð langur en þetta er orðið ljóst hjá okkur núna. Auðvitað getur maður ekki sagt annað nema að maður sé svolítið montinn, enda hefur manni farið að lengja í eitt kríli í þónokkurn tíma :-)

En allavegana, þá er þetta komið í ljós og við tvö erum alveg rígmontin ! Það er bara svo erfitt að koma orðum að þessu að það er alveg ólýsanlegt !!!


Elskan tekur sig vel út með litlu frænku sína, nú er bara að bíða eftir sínu eintaki

Við erum á internetinu !


Frændsystkinin og Eva eru gríðarlega hress og kjósa greinilega vinstri flokk !

Anna & Emmi á internetinu

Systkinin eru komin á internetið !


Eru þau ekki sæt ?

Skoðun

Það er mikilvægt hvað margir eru farnir að hafa skoðun á alls konar hlutum sem eru í frétttum í dag. Með tilkomu MoggaBloggsins þá virðist allir sem hafa einhvern aðgang að interneti hafa einhverja skoðun á þjóðfélagsmálunum sem eru í gangi hverju sinni.

Það er að vísu allt gott og blessað allt saman en öllu má nú ofgera.

Þegar fólk er farið að hafa sterka skoðun á hvort það sé einungis einn sundlaugavörður í sundlauginni á Ísafirði, fólk sem býr ekki einu sinni á staðnum, þá finnst mér þetta orðið of mikið.

Ef ekki er hægt að blogga án þess að vitna í einhverjar fréttir þá á viðkomandi ekkert að vera að blogga ef hann hefur nú ekkert merkilegra til málanna að leggja en fjölda sundlaugavarða á Ísafirði.

Mér þótti í fyrstu svolítið gaman að fylgjast með skoðun fólks á þeim fréttum sem birtust á mbl.is, en núna þá er ég steinhættur því.

Allar þessar skoðanir eru ekkert nema tuð og væl. Það er allt að, ekkert er nógu gott og allt er ömurlegt. Mér þykir ekki gaman að hlusta á tuð og væl, hvað þá að lesa slíkt.

Ég er að vísu kannski að taka full stórt upp í mig, þar sem þessi pistill er í nokkrum vælandi tón, eins og sumar færslur sem ég skrifa. En öllu má nú ofgera.

Allir mega hafa skoðun á "hlutunum" og allir mega tala um þá og skrifa, það er hluti af því að búa í lýðræðisríki sem eru í raun forréttindi. En í guðanna bænum minnkið aðeins þetta moggabloggsvæl. Heimurinn er ekkert svo slæmur eftir allt saman, ég trúi því að stjórnmálafólk allstaðar í landinu sé virkilega að reyna að gera allt sitt besta til þess að gera landið okkar enn betra og betra.


Al Omar Alhafa hefur skoðun á mörgum málum en lætur ekki vandamál Ísfirðinga á sig fá. Al Omar hefur stærri mál á sinni könnu til þess að hugsa um.

Til hamingju Eva !

Þann sjötta mars tvöþúsund og sjö varð Eva Lækur frænka í fyrsta skiptið á þessu ári en hún varð einnig frænka á síðasta degi tvöþúsund og sex. Núna var það hún Lajla Lækur sem var að unga út en hún er eldri systir hennar Evu (en þó ekki sú elsta).

Það var lítill prins sem leit dagsins ljós þann sjötta mars og Eva var að vonum mjög stolt og montin af litla prinsinum.


Eva er alveg rígmontin af litla frænda sínum og Óskar Lajlu og Jóa innilega til hamingju með litla drenginn. Auðvitað fá þau svo líka fagnaðaróskir frá Sigmari. Til hamingju !