Bob nokkur Saget



Nú geta áhugasamir loksins keypt Bob Saget dúkkuna. Búast má við Bob í stórverslunum Hagkaupa á næstunni. ATH. Fyrstir koma fyrstir fá ! Takmarkað upplag.

MP3

Djöf...s schnilld er að vera með Mp3 spilara þegar maður er á rúntinum á Bróncóinum með Beach Boys í botni að syngja "good vibrations" eða "fun fun fun" !

Ef það er eitthvað sem Kemur manni í sumarskap á þessum köldu vetrar dögum þá eru það Beach Boys.

Skólagangan loksins að fara að borga sig !

Þá er maður að fara að skella sér á vinnumarkaðinn hérna heima eftir rúmlega tíu mánaða hvíld, en ég var að fá vinnu á sambýli fyrir fatlaða hér í bæ og þá er ég ekki að meina heima hjá mömmu eða öðrum ættmennum.

Auðvitað var ég nú glaður að getað nælt mér í smá vinnu með skólanum enda er svo lítið að gera í honum flest alla dagana, þó sérstaklega svona rétt fyrir jólafrí.

Gleðin jókst um tæp 70% þegar ég fékk skilaboð frá bókhaldinu að ég ætti að koma með stúdentskírteinið mitt niðrá skrifstofu, því að vera með stúdentsskírteini er metið í launum !

Ég varð eins og api því ég var í svo góðu skapi við að fá þessar fréttir !

Nú er bara að bíða spenntur eftir BA gráðunni svo ég fái frekari launahækkanir !

Mjög svo athyglisverð lesning

Hér á þessari síðu má finna stutt yfirlit yfir hernaðarleg afskipti Bandaríkjastjórnar frá 1945 til dagsins í dag.

Auðvitað ber að taka upplýsingunum varlega, en samt sem áður þá er þetta athyglisverð lesning.

Það má svo sem geta að Bandaríkjastjórn hefur haft hernaðarleg afskipti í yfir 200 skipti síðan frá því eftir seinni heimstyrjöld, flest til þess að bæla niður hugsanlega og væntanlega "rússagrýlu" í hinum ýmsu þjóðum, stórum sem smáum. Helst má kannski nefna þegar Bandaríkin gerðu innrás í Grenada árið 1983, þjóð sem hafði þá um 110.000 íbúa.

Það var bara eins gott að þeir gerðu eitthvað þá áður en Grenada færi upp í 150.000 íbúa og yrði gjörsamlega stjórnlaus á alþjóðavelli með blússandi kommúnisma og égveitekkihvað !

Af heilögum Bob

Sjónvarpsferill

America's Funniest Home Videos, Kynnir (1990-1997).

Full House Daniel, lék Ernest "Danny" Tanner.

How I Met Your Mother, lék rödd.

New Love American Style, lék stjörnu.

Raising Dad, lék Matt Stewart.


Fjölhæfur er hann Bob Saget

Stórfréttir !

Bob Saget á afmæli á þjóðhátíðardegi Noregs en hefur aldrei verið boðið í veislu. "Nossararnir eru bara asnar" segir Bob. Noregskonungur er hneykslaður á framkomu Bobs, "Hann getur sjálfum sér um kennt, aldrei bauð hann okkur að vera með í stúdíói"


Bob er ekki sáttur þessa dagana.

Guð minn almáttugur, eða "Bob"



EF þið smellið á myndina hérna að ofan, þá sjáið þið að guð er fundinn og það er enginn annar en sprellarinn hann Bob Saget sem er almættið sjálft. Þetta er frekar stórt skref uppá við, að fara úr Fyndnum fjölskyldumyndum yfir í þetta. Ég vona bara að kallinn standi sig vel í nýja starfinu.

Ja hérna hér !

Var að rúnta um netið þegar ég átti að vera að læra. Fann einn gamalkunnan félaga, hann biður að heilsa öllum sem muna eftir honum.


"Ég bið innilega að heilsa"

Þeir sem muna eftir þessum góða félaga eru beðnir um að skila inn kveðju til hans í gegnum commenta dálkinn, ég skal svo koma skilaboðunm áleiðis.

Leiðindi ?

Ef þið hafið ekkert að gera (sem hlýtur nú eiginlega að vera fyrst að þið eruð að skoða þessa síðu) þá mæli ég eindregið með Þessari síðu hér.

Hún er mjög svo skemmtileg og drepur tímann á netinu eilítið betur en síðan mín, með fullri virðingu fyrir sjálfum mér.

Yfir og út,
allt í hnút með stút,
sút og baggalút.

Sigmar Arnarsson Bóndi.

Partý helgi !!!

Þá er það ljóst, helgin verður hrein schnilld !

Föstudagur

* Partý í Amtsbókasafninu
* Lestur góðra bóka

Laugardagur
* Ritgerðarsmíð í algleymingi

Sunnudagur
* Skýrslugerðs stuð í SPSS
* Svaðalegur sögulestur um kvöldið


Helgin hjá Sigmari byrjar í Amtsbókasafninu á Akureyri. Heyrst hefur að Jón Sigurðsson muni lána út bækur í dag !

p.s. í dag er 11.11 !!

Hrein snilld !

Sjónvarpsþættir gerast vart betri ! Þegar feita konan beygði sig eftir penna í þættinum í gær, þá dó ég úr hlátri. Littla Bretland er hrein snilld !



Í framhaldi af því þá má benda á að þessi færsla er rituð að handan.

Á maður að skella sér í bíó ?

Þessa dagana er nóg um að vera. Tíminn sem er eftir fyrir jólafrí er ótrúlega stuttur og svo virðist sem að verkefnin hrannist upp hjá manni, en samt sem áður er maður eitthvað hálf kærulaus.

Það er er eftir að gera :

* Ritgerð í ensku
* Ritgerð í vinnulagi
* Tölfræði skýrsla í vinnulagi
* Tímaröðunar verkefni í sögu

+ nokkur próf sem eru á næsta leyti.

En það má benda á að ég er ekki byrjaður á neinu af þessu. Það er spurning um að fara að setjast niður og fara að læra. Tja, kannski eftir "Little Britain" sem er í sjónvarpinu á eftir. Svo er það líka spurning um að skella sér í bíó... Tveir fyrir einn á miðvikudögum ! Svo má ekki gleyma fimmtudagsfylleríinu og...


Páll Hreinson prófessor varði ritgerð sína, Hæfisreglur stjórnsýslulaga, 5. febrúar sl. En honum hefur ekki fundist það erfitt að finna sér tíma til að setjast niður og byrja að læra, enda er Páll bindindismaður sem hefur óbeit á kvikmyndum.

Nýr frændi !

Í gær var ég að eignast glænýjan frænda, en það var hún Anna Sigríður Björnsdóttir, búkona, sem var að eignast lítinn dreng. En búast má sterklega við að Hilmar, kærastinn hennar, sé barnsfaðirinn.

Vil ég því óska þeim skötuhjúum, Hilmari og Önnu til hamingju með litla drenginn og minna á í leiðinni að ég fer í mikla fýlu ef hann verður ekki nefndur eftir mér !

Afrakstur ?

Amma var að kvarta eitthvað í gær yfir skegg safninu sem ég er kominn með framan í mig, sagði að ég væri alltof ungur til þess að vera með svona lagað.



Ætli maður verði nú ekki að fara að óskum leigusalans og skera burt veiðihárin.

En það er nú svosem alltaf inn í myndinni að leggja í gott músstash... sjáum hvað setur.

Fótbolti

Maður er svo duglegur að mæta í fótbolta að maður gleymir því að það sé próf á morgun.



Annars bíð ég bara spenntur eftir að nöglin á stórutá fari að detta af, hún er orðin ansi ljót greyið, tja nema að það þyki fallegt að hafa dökkfjólubláa tánögl ? kannski er það svoleiðis í Búrúndi ? hver veit ?

DVD

Í gær horfði hún amma mín á DVD. Hún var voðalega ánægð með það, enda skemmtilegt efni sem var á dagskrá, en ég hafði fengið lánaðan DVD disk frá bróður mínum um Vestmannaeyjargosið 1972.



Amma spurði svo hvað DVD væri nú eiginlega og ég sagði henni að það væri ensk skammstöfun á Digital Video Disc. Hún var ekki lengi að tengja og sagði "já, ég hef nú heyrt um þetta digital áður".

Nú er bara að bíða eftir að amma verði forfallinn DVD sjúklingur sem kaupir allar helstu gamanþátta seríur sem í boði eru, eins og t.d. Friends, Simpsons og allt þar á milli.

Að fara í sund

Eftir langan hjólreiðatúr frá Brautarhóli til Akureyrarsundlaugar með tilheyrandi átökum, skellti ég mér í sund með svissnesk ítalskri stúlku sem býr í Munchen í Þýskalandi.


Þetta á ég við þegar ég fer í sund.

Auðvitað gleymdi ég svo handklæðinu mínu heima.

Menn voru farnir að líta mig hornauga inn í karlaklefa, sprikklandi nakinn um, bíðandi eftir að ég þornaði sæmilega til þess að klæða mig í fötin.

Alsæla !

Í gær dó ég næstum því úr alsælu þegar ég kom heim eftir erfiða fótboltaæfingu í Boganum. Það fyrsta sem ég gerði var að læðast inn í ísskápinn heima og opna ís-ískaldan bjór, hella honum í glas og drekka ölið í löngum og góðum sopa.

Eftir fyrsta sopann heyrðist svo eitt gott "Ahh" og það lá við að ég myndi deyja, þetta var svo gott.

Verst að þetta var eini bjórinn sem var eftir í ísskápnum, svo ég get ekki endurtekið leikinni í kvöld, en minningin lifir áfram.


Ölið var sopið þegar í glasið var komið !

Rökfærsla Hómers

Núna um daginn var ég að horfa á þátt með Hómeri nokkrum Simpson frá Springfield í Bandaríkjunum. Það er svo sem ekki frásögum færandi nema hvað að ég tók eftir stórkostlegri röksemdafærslu hjá kappanum, sem lét mig skellihlæja í svona þrjú korter.

Þannig er með mál í vexti að Hómer ætlaði að verða ríkur af fitubransanum, þ.e. selja fitu. Nú fita er nú kannski á hverju strái en það er erfiðara að nálgast hana í sínu hreinasta formi, en Hómer deyr ekki ráðalaus.

Hann tók sig til að fór að steikja beikon í massavís, sem hann gaf síðan hundinum. Samtals tóks honum að vinna úr beikoninu 1 kíló af fitu, sem er nú þónokkuð.

Það er svo ekki að spyrja að því að hann fór með herlegheitin til fitukaupandans sem keypti alla fituna á 27 cent. Sjaldan hef ég séð Hómer jafn glaðan.

En þá hafði sonur hans, Bart, á orði að beikonið sjálft hefði kostað c.a. 27 Dollara.

Þá hófst röksemdarfærslan.

Bart: "Hómer, þú veist að beikonið kostaði 27 dollara"

Hómer: "Hvað með það, það er mamma þín sem keypti það"

Bart: "já, en mamma fær peninginn frá þér"

Hómer: "já, og ég fæ peninginn fá fitu, hvað er vandamálið ?"

Mig minnir að þetta hafi verið einhvernveginn á þessa leið. Hér má samt sjá glögglega gott dæmi um góða röksemd. Við ættum öll að taka okkur Hómer til fyrirmyndar.

Hvað gerði ég ekki !

Helgin sem leið var ansi viðburðarík og það tæki aldur og ævi að taka fram það sem ég gerði. Því hef ég ákveðið að benda á nokkra punkta sem ég gerði ekki um helgina, til þess að setja mynd á helgina. Þið, lesendur góðir, getið fyllt upp í eyðurnar.

Það sem ég gerði ekki var m.a.

* Vaknaði snemma á laugardaginn
* Fór snemma að sofa á föstudaginn
* Fór út að hlaupa
* Lærði eins og hestur
* Sat heima á laugardagskvöldi
* Neyta áfengra drykkja á föstudagskvöldi
* Neyta áfengra drykkja á laugardagskvöldi
* Leiðast
* Vera á Internetinu

Þetta er það helsta sem ég gerði ekki um helgina. Það verður samt að vera leyndarmál hvað það var síðan sem ég gerði, því það er hætt við að lesendum standi ekki á sama ef ég upplýsi það...

Og hana nú !