Loksins !

Mikið var að það byrjaði að snjóa aftur ! Nú getur maður heldur betur farið að spæna um bæinn á nýju nagladekkjunum sínum !

Þannig að ef þið, lesendur góðir, sjáið einhvern ofur svalann gaur á Bronco (Fjallahjóli) þeysast um skransandi og stökkvandi um götur Akureyrarbæjar , þá er það Ég !

Þunglyndur, en samt svalur !

Ég verð nú að segja að ég er nú nokkuð þunglyndur yfir því að Eva mín góða og sæta, sé farin í heimsreisu og verði í burtu í sjö mánuði, en svona er víst lífið. Ég var held ég engu skárri líka þegar ég fór í burtu í sex mánuði... Við skötuhjúin erum ferleg.

En til að bæta úr þessu þunglyndiskasti mínu, ákvað ég að verða rosalega svalur !

En hvernig er best að bæta við svaleikann sinn ? jú auðvitað með því að hressa upp á farartækið sitt !

Bronco Fjallahjólið mitt, hefur sumsé tekið stakkaskiptum ! Ekki nóg með það að vera með bleika slaufu á stýrinu, en þá er Bronco kominn með sport bretti sem lífga heldur betur upp á útlitið ! Og síðast en ekki síst, þá er ég kominn á nagladekk, sem mér finnst vera einstaklega svalt og flott.

Ég verð nú að segja að ég glotti nú út í annað þegar ég brunaði fram úr grunnskólakrökkunum á leið í skólann í morgun og heyrði hvernig naglarnir tættu upp malbikið...

Nú er bara að fá sér sólgleraugu, setja upp grifflunar, fara í "leddarann" og bruna niður í bæ um helgina og skrensa á rúntinum !

Ertu þá farin ?

Ertu þá farin frá mér ?

Já það er víst komið að því, Eva Lækur er á leiðinni til útlanda. Hún verður frá í svona sjö mánuði sem þýðir að ég eigi eftir að vera órólegur, stressaður og eitthvað þriðja atriði sem ég nefni ekki hér, í sjö mánuði...

Ég vona bara að hún skemmti sér frábærlega, annars verður öll þessi kvöl og pína til einskins !

Far vel !

Þrældómur ?

Aldrei þessu vant hef ég tekið föstudagseftirmiðdegið frá í það að læra. Það er svo sem ekki frásögum færandi, nema að á mínum yngri árum þá notaði ég ævinlega þann tíma í undirbúning á föstudagsskralli eða einhverju þvíumlíku. En í dag er ég búinn að lesa undir Upplýsingarýni 4. kafla í bók Jóels Bests, amerísks tölfræðis gúrús.

Fyrir þá sem hafa áhuga geta leitað uppi bókinni "Damned lies and statistics" og fylgst með framvindu mála !

En í tilefni dagsins, þá langðaði mig að benda ykkur á síðuna hans Emils nokkurns Strengs, sem kemur frá Bodensee í Þýskalandi. Hana má finna hér.

Mig langaði einna helst að benda Jóni frænda mínum á þessa síðu.

Sáttur, enn sem komið er...

Ég var að fá út úr tveim prófum í aðferðarfræði sem ég var í um daginn og ég verð nú bara að segja að ég er nokkuð sáttur, sérstaklega í ljósi þess að ég hélt að ég hefði drullað alveg upp á bak í öðru prófinu.

Aðferðarfræði, tölfræðiútreikningur : 5,7

Aðferðarfræði, tölvuvinnlsu próf : 8,0

Nokkuð gott verð ég nú bara að segja.

Svo er maður búinn að standa sig nokkuð vel í nokkrum verkefnum en þau skiptast svona :

Upplýsingarýni:
5,5
7,5

(n.b. hópaverkefni bæði)

Enska:
8
9

Afbygging 20. aldar
6,5

(n.b. hópaverkefni, sem má sjá hér)

Svo bíð ég spenntur eftir niðurstöðum úr Vinnulagsprófi og bíð ennþá spenntari eftir að fara í Afbyggingar próf !

Talið að 2,5 milljónir manna séu heimilislausar eftir jarðskjálftann

Svona hljóðar ein fyrirsögnin sem er á mbl.is í dag, í þessari frétt er verið að fjalla um hörmungar jarðskjálftans sem reið yfir í Pakistan, Indland og Afganistan á laugardaginn. Í fréttinni segir að talið er að 38 þúsund manns hafi látist í þessum hörmumgum ! 38 þúsund manns ! 42 þúsund eru slasaðir og tugi þúsinda viðhefst undir berum himni !

Þetta eru alveg hræðilegar náttúruhörmungar, það fer ekki á milli mála.

En samt virðist manni sem svo að þessar hörmungar séu ekki eins merkilegar og þær sem dundu yfir svæðin við Mexíkóflóa nú fyrir skömmu.

Mig minnir að allir fréttamiðlar hafi verið stútfullir af fréttaflutningi frá hamfarasvæðunum í New Orleans í Bandaríkjunum, eins og þetta væri að gerast í fyrsta skipti í heiminum að náttúran hegðaði sér ekki alveg eins og við vildum.

Ég er samt ekkert að draga úr hamförunum sem voru þarna vestra, en langar samt bara að benda á að hamfarirnar eystra, eru sennilega meiri (ef við metum mannslíf meira en peninga) en þær sem voru vestanhafs. En samt virðast þessar nýskeðnu hamfarir vera allt í lagi, ekkert svo merkilegar, bara daglegt brauð.

Það er alveg ótrúlegt að sjá þennan mun. Svo lengi sem við höfum engra hagsmuna að gæta (viðskipti) þá skipta hamfarir einhversstaðar annarstaðar engu máli, eða allavegana minna máli.

En við ættum kannski að pæla aðeins í þessu og spyrja okkur hvort aurinn skiptir meira máli en sálin ?

Ég bíð svo spenntur eftir fregnum þess efnis að íslensk stjórnvöld gefi aur í hjálparstarfsemi þarna eystra, rétt eins og þau gerðu þegar voldugasta þjóð í heimi varð fyrir smá áfalli. Því ég held að við vitum öll hvar peningnum sé betur varið.

Takk fyrir mig !

Mig langar að nota tækifærið hér á þessum vefmiðli og þakka heremy.com kærlega fyrir gott samstarf í gegnum tíðina, en nú eru þeir hættir rekstri.

Fyrir þá sem ekki vita þá var heremy.com frítt net-myndaalbúm.

Nú þarf maður að fara að leita sér að öðru slíku. Á meðan verður síðan örlítið hrá, en dyggir lesendur láta það varla á sig fá.

En leitin hefst ekki alveg strax, því ég á eftir að ganga frá samningum við Íslenska Útvarpsfélagið um sýningarrétt á þáttaröðina um leitina að hinu rétta net-myndaalbúmi.

Svo er ég líka að fara í próf og fullt af verkefnum eru framundan, þannig að það er sennilega best að fara heim og leggja sig aðeins fyrir komandi átök.

Góð þjónusta !

Eftir áralanga dvöl í hinum ýmsum skólum landsins þá stendur mér loksins til boða að nýta mér þjónustu gangbrautarvarða. Þannig að nú, þegar ég er að fara í skólann, galvaskur, þá þarf mamma ekkert að hafa áhyggjur af mér í umferðinni á morgnana.

Þetta setur óneitanlega skemmtilegan svip á skólferðirnar á morgnana, því hvorki fleiri né færri en tveir hressir gangbrautarverðir bjóða mér góðan daginn með bros á vör sem leiðir af því að ég fer hjólandi sæll og glaður upp í skóla, dagurinn gæti bara ekki byrjað betur !

Mikið er ég feginn að borga útsvarið mitt til Akureyrarveldissins, þó lítið sé í augnablikinu.

Dominos veldið á barmi gjaldþrots ?

Í gær keypti ég mér pitsu hjá Dominos og fyrir valinu varð 12" Dominos pepperoni á 1610 krónur. Ég borgaði með 5010 krónum og fékk 4600 tilbaka. Sem skítseyði þá þagði ég um þessi mistök afgreiðslumannsins.

En auðvitað kemur svona lagað alltaf manni um koll, því ég er búinn að týna veskinu mínu, sem inniheldur 4000 íslenskar krónur og 500 norskar.

Það borgar sig sum sé að vera heiðarlegur !

Brautarhóll online ?

Baráttan er hafin !

Sigmar Bóndi vs. IBM laptop

Ekki missa af stærsta bardaga ársins þegar Sigmar glímir við fartölvuna sína um netsamband ! Sigmar vill ólmur koma Brautarhóli online en IBM gerir allt sem í hans valdi stendur svo það gerist ekki. Æsispennandi keppni um blóð, svita og wireless connection.

(ath. þessi færsla er rituð í tölvuveri Háskólans á Akureyri)

Ég er klukkaður !

Ja hérna hér, þá er bara búið að klukka mann á internetinu, sem þýðir í stuttu máli að ég á að segja einhver 5 persónuleg atriði um sjálfan mig, svo alþjóð fái að vita. Það er svo sem hið minnsta mál, það er bara spurning hvort lesendur hafi maga í það. En mig langar að þakka Finni Torfa sérstaklega fyrir að koma þessari kvöð yfir á mig.

1. Ég heiti Sigmar Arnarsson og er meyja, ég var aldrei hrifin af því í æsku og öfundaði frændur mína tvo mjög af því að vera ljón.

2. Ég er nautnaseggur og fer ákaflega mjúkum höndum um sjálfan mig, til dæmis má nefna að ég er einstaklega góður í rökfærslu við sjálfan mig á morgnana þegar ég heyri að úti hvíni napur vindur... þá heillar rúmið meira.

3. Í beinu sambandi við nautnaseggs yfirlýsinguna þá er skemmst frá því að segja að ég er alveg rosalega latur oft á tíðum.

4. Ég hef komið til afríku, nánar tiltekið Marakkó, og borðað þar dýrindis kjúkling, þrátt fyrir að u.m.þ.b. milljón viðvörunarbjöllur hafi hringt í hausnum á mér varðandi hreinlæti staðarins og ástands kjúklingsins... En ég var svangur.

5. Ég hef aldrei lýst því yfir að hætta að drekka, þrátt fyrir margann og misslæman þynnkudaginn, það er betra að lýsa ekki neinu yfir sem maður veit að kemur aldrei til með að standa.

Jæja, þar hafið þið það, vonandi vitið þið meira um mig sjálfan í dag en í gær. En svona til gamans þá langar mig að "klukka" Garðar Val, Ingólf Friðriksson, Jón Heiðar og Björn Bjarnason. Og hana nú !

Ást

Halldór Örvar Einarsson (a.k.a "Dóri Stóri"), Ég elska þig !

Person ?

Í gær reiknaði ég einhverja ægilega stærðfræðiformúlu sem sýndi fylgni á R-inu hans Persons.

EFtir útreinkingu á staðalfráviki, fylgni og ég-veit-ekki-hvað, þá tókst mér að komast að niðurstöðu

Svarið var 0,94 !

Ég er ekki alveg viss hvernig mér tókst að fá rétta niðurstöðu, en mér leið eins og ég hefði verið á rosalegu fyllerí einhversstaðar niðrí bæ en vaknaði svo skyndilega heima, án þess að vita hvernig í fjandanum mér tóks að skríða heim.

Nú er bara að vona að í næsta prófi að ég vakni ekki einvherstaðar hjá einhverrri ægilegri herfu, handan við Gleránna án þess að hafa hugmynd um hvernig ég komst þangað.

Samsæri

Föstudaginn 9 september flaug ég til Reykjavíkur. Ég fékk sætisnúmer 5B

Sunndaginn 11 september flaug ég til Akureyrar. Ég fékk sætnisnúmer 5B

Er þetta samsæri gegn mér eða bara tilviljun ?

Frávik ?

í dag var rætt um staðalfrávik í aðferðarfræði, mér til mikillar ánægju. Eftir að fyrsta dæmið kom upp á töfluna lak eitt tár niður kinnina á mér, í ljósi þess að ég skildi lítið sem ekki neitt.

Einhver benti mér á að ég hefði átt að hafa lært þetta í menntaskóla, en ég kannast enganveginn við það. Sökinni verður þar af leiðandi alfarið komið á Menntaskólann á Egilsstöðum ef ég fell í þessu fagi.

Stór mistök !

Ég og títtnefndur Steffen félagi minn frá Þýskalandi höfum verið að ræða dálítið um vin okkar David nokkurn Hasselhoff í nokkurn tíma og hafa verið ófáar pælingarnar um kallinn. En þannig vildi til fyrir nokkrum dögum, þegar við vorum að skiptast á aðdáðun okkar á Davíð í tölvupóstssendingum, þá sendi ég staðreynda villu til Steffens, sem hann leiðrétti snarlega.

Hér að neðan kemur brot úr tölvupóstssamskiptum okkar sem urðu í kjölfar myndar sem Steffen sendi mér, sem glöggir lesendur hafa væntanlega tekið eftir.

Hér er svar mitt við myndinni sem Steffen sendi mér:

You know what I like ! :-)

David Knight !
Micth Buchanon

DAVID HASSELHOFF = My HERO !

Cheers!

Sigmar

p.s. I got a bonus when I saw the picture !

Svo kemur svar Steffens:

Big misstake, Sigmar!

MICHAEL KNIGHT!!!

Steffen

Það er gott að hafa vini sem eru með þetta allt á hreinu !


David hefur efni á smá glotti þessa dagana, enda er hann búinn að brenna á vörum manna síðastliðin misseri.

Mánudagur

Það fer víst ekki á milli mála að í dag er mánudagur. Af því má gera ráð fyrir að í gær hafi verið sunnudagur.

Merkilegt !

Góður vinur !

Steffen þýski, félagi minn frá Hamburg sem ég kynntist út í Lettlandi er góður félagi. Haldið þið ekki að ég hafi fengið póst frá félaganum, sem innhélt eingöngu texta á borð við "úúúu jeeee" og svo mynd af ennþá betri félaga, sem okkur var nú tíðrætt á mörkum hins byggilega heims í Lettlandi. Það var enginn annar en nafni Davíðs Þórs Sigurðarsonar, David Hasselhoff sem prýddi skilaboðin frá Steffen. Fyrir það verð ég honum ævinlega þakklátur !


Margumræddi David, birtist í skilaboði Sigmars, sem kom að þessu, alla leið frá norður Þýskalandi, nánar tiltekið Hamborg.

Er ég nörd ?

Ég var að hugsa um í gær hversu mikill nörd ég væri og ég komst að óægilegri niðurstöðu, þ.e. að ég væri sennilega þónokkuð mikill njörður. Þegar ég er að tala um "nörd" þá er ég ekki að tala um tölvunörd, bílanörd eða lærdómsnörd, heldur bara hreinan "nörd", "nörd" sem hefur gaman af öðruvísi og ævintýralegum hlutum.

Við skulum líta á nokkur dæmi í þessu sambandi.

* Ég er búinn að lesa Hringadróttinssögu tvisvar og beið eftir myndunum í ofvæni.

* Ég var vonsvikin með með myndirnar að mörgu leiti.

* Ég hef einstaklega gaman af spili sem kallast "Magic, the gathering"

* Spilið gengur út á að tveir eða fleiri komi andstæðingum sínum á kné niður með "göldrum"

* Ungur að aldri byrjaði ég að spila snemma "Advanced dungeons and dragons", það er hlutverkaspil.

* Ég hef einstaklega gaman af hlutverkaspilum.

* Ég er ekki eins hrifinn af "Aski yggdrasil" íslenska hlutverkaspilinu.

* Ég er búinn að lesa allar Harry Potter bækurnar.

* Fyrstu fjórar las ég á íslensku.

* Seinna meir las ég allar á ensku.

* Ég var frekar spenntur yfir nýjustu bókinni og það tók mig ekki langan tíma að klára hana.

* Diablo var uppáhalds leikurinn minn um tíma

* Ég ásamt öðrum félögum mínum, bjuggum til smá hlutverkaleik upp úr Diablo.

* Bókin sem ég er að lesa núna heitir "Colour of magic", það segir sennilega allt sem segja þarf.

Ég gæti eflaust grafið upp meiri nördaiðjur sem ég hef gaman af en þetta er það helsta sem mér dettur í hug.

Spurningin er því sú;

Er ég nörd ?

Ömurlegt !

Það er hreint út sagt ömurlegt að eldast svona og í því sambandi get ég bent á tvö dæmi sem komu fyrir mig nú fyrir skömmu.

Dæmi 1

Ég var staddur á Reykjavíkurflugvelli og var að versla mér flugsæti til Akureyrar með hoppi. Það var allt saman gott og blessað, nema hvað að konan í afgreiðslunni spurði einnar spurningar sem kom mér úr smá jafnvægi. "Ertu ekki örugglega undir 25 ára ?" Ég auðvitað gapti í svona fimm sekóndur þangað til að ég fattaði að ég þurfti að svara, "nei, ekki enn.." Ég var svo sleginn út af laginu að ég gat einu sinni ekki svarað með skætingi !

Dæmi 2

Mánudagurinn 29 águst 2005. Tuttuguogfjögurára afmælið mitt. Ég fékk engar gjafir, nema fyrir utan blómvönd sem ég fékk frá Elínu Brynjarsdóttur og Jóhönnu Fjólu. Ef það er ekki ömurlegt þá veit ég ekki hvað. Ef þetta er raunveruleikinn við að eldast, þá vil ég það ekki ! Hvar er dótið ? hvar er fjörið ? og fjandinn hirði blómin !

Það á að setja í lög að maður eigi minnsta kosti rétt á einni skemmtilegri gjöf á afmælisdaginn sinn, og blóm eru ekki leyfð fyrr en skemmtilega gjöfin sé kominn á hendurnar á afmælisbarninu, eingöngu til þess að forða frá vonbrigðum með daginn.

Og hana nú !